Shqipëria e prekur nga koronavirusi, Basha: Duhen marrë masa të shpejta

Teksa koronavirusi është zyrtarisht në Shqipëri, kryedemokrati Lulzim Basha ka reaguar duke shprehur se nuk duhet përhapur panik.

“Asnjë vend nuk është imun ndaj rrezikut të koronavirusit, dhe tani që kemi rastet e para të konfirmuara edhe në Shqipëri, është më e rëndësishme se kurrë që të gjithë të reagojmë me kujdes dhe me përgjegjshmëri.

Të gjithëve do na duhet të bëjmë sakrifica në mënyrë që të luftojmë përhapjen e virusit: të kujdesemi shumë për higjenën tonë personale, të kufizojmë udhëtimet dhe nëse nuk ndihemi mirë të rrimë në shtëpi.

Sot nuk është koha për panik, por për masa të shpejta dhe të vendosura”, shkruan Basha.

Ditën e sotme, Basha ka anuluar dy aktivitete publike me qëllim shmangien e përhapjes së koronavirusit.