Shkon në 20 numri i të prekurve nga koronavirusi në Kosovë

Ka shkuar në 20 numri i personave të prekur me koronavirus në Koosvë.

Ditën e djeshme i është shtuar listës një 55-vjeçare nga fshati Bradash-Podujevë, e afërme e një të infektuari nga kjo komunë.

Infektologu Valbon Krasniqi në një lidhje direkte pohoi se në Klinikën Infektive janë 13 nga personat e infektuar, të cilët po marrin trajtim dhe se gjendja e tyre është stabile.

Krasniqi deklaroi se ka edhe disa raste të dyshuara qoftë të kontaktit apo të ardhur nga shtetet tjera, për të cilët sot priten rezultatet.

Krasniqi deklaroi se disa nga barnat që përdoren edhe në vende të Evropës, janë përdorur edhe në Kosovë te disa pacientë që kanë paraqitur pneumoni më të rëndë.