Me datën 1 janar 2020 të gjitha fabrikat e përpunimit të mishit në vend rriten në mënyrë të unifikuar çmimet me rreth 10 për qind për të gjithë prodhimet e tyre.
Një kilogram kremviçe e tymosur kushtoi pas 1 janarit me shumicë 690 lekë nga 640 lekë që ishte deri në ditën e fundit të dhjetorit 2019. Gjithashtu çmimet u rriten me 50-70 lekë për kilogram edhe për pancetën dhe proshuten, sipas listës bashkëngjitur. Për pasojë shitësit e pikat e pakicës e kanë reflektuar të gjithë rritjen e çmimit në konsumatorët fundor.
None found
Administratoret e fabrikave të përpunimit të mishit në vend pohuan se, rritja e çmimeve erdhi si pasojë e rritjes së çmimit të mishit të derrit me rreth 40 për qind në tregjet globale.
Luan Leka i cili zotëron fabrikën më të madhe të përpunimit të mishit në vend EHW, tha se prej vitit të kaluar kostot e industrisë janë rritur se tepërmi nga rritja e çmimeve të mishit të derrit në tregjet ndërkombëtare. Kjo rritje, sipas Lekës, është nxitur nga sëmundja e murtajës së derrit në Kinë e cila ka çuar në eliminimin e rreth 200 milionë derrave vitin e kaluar. Kjo zhdukje masive e derrave në Kinë ishte e barabartë me të gjithë prodhimin vjetor të mishit të derrit në Europë.
Prej kësaj ngjarje çmimit e mishit të derrit në Kinë gjatë vitit të kaluar u rriten me 100%, ndërsa presioni i kërkesës së Kinës në furnizuesit e mëdhenj si Brazili etj e çuan çmimin në rang global me rreth 40%.
Leka tha se, çmimet e reja nuk reflektojnë të gjitha kostot që vijnë nga importi. Çmimet e importit përbëjnë 70 për qind të kostos, pasi fabrikat e përpunimit në vend kanë si lëndë të parë kryesisht mishin e derrit. Vitin e kaluar këto kosto për fabrikat shqiptare ishin 30 për qind më të larta, teksa çmimet janë rritur 10 %. Leka tha se çmimet do të vijojë të rriten edhe në dy vitet në vijim për të mbuluar në mënyrë graduale humbjet që po krijohen nga çmimet e larta në tregjet ndërkombëtare.
Mirëpo kjo rritje e nënprodukteve të mishit do të çojë në një rritje zinxhir në çmimet e të gjitha produkteve të mishit, që nga prodhimi vendas tek mishi i vicit, derrit, pulës dhe peshkut. Kjo tendencë është vënë re edhe herët e kaluara, ku çdo rritje në çmimet e mishit të importuar reflektohet edhe në prodhimin vendas dhe në llojet e tjera të mishit të importuar./monitor/
Presidenti i SHBA-së, Donald Trump, foli me kujdes, por me optimizëm në lidhje me kontaktet që priten të zhvillohen në…
Çmimet e bulmetit në vendin tonë janë shtrenjtuar aq shumë vitit e fundit, duke bërë që jo vetëm të kalojnë…
Vendi ynë ditën e sotme do të ndikohet nga kushte atmosferike të qëndrueshme. Moti parashikohet i kthjellët, por pa përjashtuar…
Brazili siguroi një vend në 1/8 e finales në Kupën e Botës pas një fitoreje dramatike 2:1 ndaj Japonisë, me…
Një zhgënjim i madh mbretëroi në kampin e Gjermanisë pas eliminimit nga Kupa e Botës. "Pancerët" u mposhtën nga Paraguai…
Kombëtarja e Marokut është kualifikuar në raundin e 1/8 së finales së Kupës së Botës, pasi mposhti Holandën pas ekzekutimit…