Merr fund grupi kriminal në Itali, kush është “Rikardino” nga Shqipëria që ju sekuestuan miliona euro

Autoritetet italiane kanë sekuestruar pasurinë e 5 anëtarëve të një grupi kriminal Lovine i klanit mafioz Casalesi (Caserta në provincën e Napolit) dhe grupit Guarnera të Acilias (Romë) që bashkëpunonin me njëri – tjetrin.

Në këtë grup është i përfshirë dhe hqiptari Arben Zogu. Urdheri u firmos nga Gjykata në Romë, që ka firmosur sekuestrimin final të pasurive për Arben Zogun, Sergo Guarnera, Sandro Guarnera, Mario Lovine, Franco Crispoldi, raportojnë mediat italiane.

Të pestë janë arrestuar gjatë operacioneve të koduar “Criminal Game” e “Vento dell’est”. Mbi ta rëndojnë një sërë akuzash të tilla si krijimin i një grupi të strukturuar kriminal, zhvatje me kërcënim, aksione të dhunshme për përvetësim pasurie në mënyrë të paligjshme, fajde, konkurrencë e paligjshme, falsifikim fiskal dhe trafik ndërkombëtar droge.

Policia italiane arriti të sekuestrojë gjithsej 22 milionë euro pasuri, të gjitha të dyshuara si të ardhura nga aktiviteti kriminal. Janë sekuestruar kapitalet i 7 sipërmarrjeve, 9 banesa, një sipërfaqe toke, 2 automjete, 1 motor e mjete të tjera.

Shqiptari Arben Zogu i njohur me nofkën Rikardino është një personazh i njohur i krimit të organizuar në kryeqytetin italian Romë. Zogu është akuzuar si pjesë e një grupimi mafioz. Gjykata kisihte kërkuar për të për disa krime 20 vjet burg. Pasi ka kaluar 5 vjet në burg, gjykata e liroi atë më datë 16 qershor 2020 për skadencë të afatit të procesit gjyqësor dhe me kusht që të qëndrojë në banesë.