Polici u fut me makinë në oborr të huaj dhe plagosi me armë të zotin e shtëpisë, ai e akuzon se ishte i droguar

I plagosuri Solli Meçe, 70 vjeç ka dhënë detaje në lidhje me ngjarjen ë rëndë që ka ndodhur në orët e para të mëngjesit të kësaj të enjte në Fier, ku efektivi i FNSH-së, Paulin Shpami e ka plagosur me armë zjarri.

Ngjarja ndodhi pasi polici i dehur u fut me makinë në shtëpinë e 70-vjeçarit.

70 vjeçari në një deklaratë për ABC News ka bërë me dije se rrotonta e ndodhur në vendin “Vija e Ngjalës” është bërë gjithmonë shkak i aksidenteve të ndryshme dhe shumë makina që përplasen me shtëpinë e tij. Ai ka thënë se si pasojë e ngushtimit të rrugës ndodh që shumë makina përfundojnë në oborrin e shtëpisë së tij.

“Personi ishte i pirë dhe nuk kishte pirë raki por ishte i droguar. Unë jam i plagosur në gisht ku mora një raport mjekoligjor shkova te mjeku ligjor por ai nuk ishte dhe më tha që të shkoja të shtunën. Unë dola në momentin që dëgjova zhurmën më ka dëmtuar makinën, ai po shante ishte bashkë me dy të tjerë ai më pas nxori armën u rrotullum gjatë përleshjes dhe dola siper atëherë me vendosi armën që kishte 14 fishekë por fatmirësisht arma është shkrepur vetëm një herë dhe fatmirësisht më kapi vetëm gishtin”, shprehet 70 vjeçari i plagosur këtë të enjte në Fier.