Mos blini bukë të prerë, rreziku është i madh

Kemi hyrë në sezonin e temperaturave të larta dhe ndërkohë jemi dhe në kushtet e ekzistencës së virusit COVID-19 në të gjithë vendin. Natyrisht që një vëmendje e shtuar duket të jetë tek produktet që konsumojnë çdo ditë.

Gjatë gjithë kësaj periudhe Autoriteti Kombëtar i Ushqimit, jo vetëm nëpërmjet inspektimeve në terren por edhe mesazheve në rrjetet sociale dhe media, i është drejtuar konsumatorit shqiptar të tregojë kujdes në produktet që konsumon, të cilat mund të bëhen burim helmimesh që shpesh herë kanë pasoja tepër serioze në organizëm.

Ditët e fundit AKU ka bërë thirrje konsumatorit që të mos e blejnë bukën e prerë, sidomos në kushtet e epidemisë së COVID-19. Yllka Allaraj inspektore e Autoritetit Kombëtar të Ushqimit tregoi në “Wake Up” në Top Channel pse veçanërisht buka e prerë përbën rrezik kontaminimi, por pa përjashtuar edhe produktet e tjera ushqimore sidomos ato me origjinë shtazore.

‘Me fillimin e pandemisë, me një kërkesë të shoqatës së bukëve, është kërkuar që buka të mos pritet. Në inspektorët e AKUT i kemi monitoruar, këshilluar dhe inspektuar që ky produkt të mos pritet.

Gjatë prerjes i prishet struktura dhe duke ju prishur struktura, atij i ndryshojnë cilësitë fiziko-kimike të produktit. Vlerat ushqimore që ka ky produkt e ulin cilësinë e tyre, gjithashtu me prerjen e produktit bukë edhe mund të na kontaminojnë. Buka ka një përqindje lagështie dhe mund edhe të kontaminohet”, theksoi ai në “Wake Up”.