Manaj flet pas prezantimit: Barcelona është klubi më i madh në histori (VIDEO)

Rei Manaj nuk dyshon aspak se Barcelona është klubi më i madh në historinë e futbollit. Futbollisti i Shqipërisë, i cili tashmë do të luajë për të rinjtë e Barcelonës, pranon se hodhi poshtë çdo propozim të klubeve të tjera në momentin që katalanasit u interesuan për të.

Në intervistën e tij të parë si lojtar i Barcelonës B, 22-vjeçari tregon se synon që sezonin e ardhshëm skuadra të ngjitet në La Liga 2.

“Mendoj se është një nga ditët më të rëndësishme të jetës sime. Vij te një klub i madh, për të cilin mendoj se është më i madhi në historinë e futbollit. Mezi prej që të luaj me ekipin e ri. Kur Barcelona më bëri ofertë, nuk pranova të merrja në shqyrtim asnjë propozim tjetër dhe e vetmja gjë që dëshiroja ishte të mbërrija sa më shpejt këtu. Tani jam shumë i lumtur.

Shpresoj që ta ndihmoj sa më shumë skuadrën time të re. Një sulmues duhet të shënojë dhe uroj që këtë gjë ta realizoj këtu. I kam vendosur vetes disa synime personale, por mbi të gjitha dëshiroj që skuadra të ngjitet në kategorinë e dytë. Barcelona është klubi më me rëndësi në botë, prandaj këtu gjithçka shkon në mënyrë perfekte”, shprehet Manaj.

Manaj firmosi për 3 vite me Barcelonën B dhe do të mbajë veshur fanelën me numrin 22, ndërsa klubi ka vendosur se për të prishur klauzolën e tij duhet të paguhen 50 milionë €.