Trajneri i Manchester City-t, Pep Guardiola mendon se Premier League duhet të shqetësohet nga dominimi i madh i Liverpoolit këtë sezon.
Skuadra e Jurgen Kloppit prin në vendin e parë momentalisht me 22 pikë më shumë se vendi i dytë, City, pasi pas 25 ndeshjeve deri tani këtë sezon, i ka lëshuar vetëm dy pikë.
Dominimi i madh i të kuqve vjen një sezon pasi ata e kishin mbyllur vitin një pikë prapa kampionit Manchester City, i cili i kishte grumbulluar 98 pikë në total.
Liverpooli tani është në rrugë të mirë ta barazojë apo madje ta kalojë këtë shifër deri në maj, me Guardiolën që beson se një dominim i tillë duhet t’i shqetësojë drejtuesit e ligës elitare angleze.
“Në dy sezonet e fundit, një pronar i Premierligës tha se kjo nuk duhet të ndodhë, pra City t’i fitojë titujt në atë mënyrë, duke i grumbulluar 100 pikë , nuk i bën mirë Premierligës”, tha Guardiola.
“E tani po e bën Liverpooli. Pronari duhet të shqetësohet përsëri”, shtoi ai.
Ka kohë që Guardiola e vlerëson garën për titull si të mbaruar, me skuadrën e tij që lëshoi pikë përsëri pas humbjes 2:0 nga Tottenhami të dielën.
Nivelet e larta të emigrimit, plakjes së popullsisë dhe urbanizmit, kanë rritur numrin e familjeve me një person. Të dhënat…
Këtë të hënë, Erion Veliaj, i cili prej muajit shkurt po qëndron në bugun e Durrësit, do të rikthehet në…
Shtimi i lejeve të ndërtimit dhe të detyrimit për taksën e ndikimit në infrastrukturë pas referencave, vijojnë t’i sigurojnë nga…
Sot, më 9 qershor 2025, dollari amerikan, blihet me 84.8 lekë dhe shitet me 86.2 lekë. Euro, blihet me 97…
Ditën e sotme, Shqipëria do të paraqitet nën ndikimin e kthjellimeve dhe vranësirave të lehta, por pas mesditës dhe në…
Kombëtarja e Portugalisë ka fituar finalen e Ligës së Kombeve, pasi ka mposhtur Spanjën pas ekzekutimit të penalltive. ‘Furia e…