Gazetari: Kush po i liron në të vërtetë kriminelet e regjur nga burgjet

Ditët e fundit në media dhe rrjete sociale, ka shpërthyer një debat në lidhje me lirimin e disa emrave të njohur të botës së krimit.

I pari që u lirua ishte Endrit Dokle, i cili më parë ishte dënuar me burgim të përjetshëm. Dokle njihet si ish-anëtar i bandës së Durrësit dhe më pas si kundërshtar i Lulzim Berishës pas përçarjes së bandës famëkeqe.

Pas tij u lirua edhe Ergys Kolaveri, i cili ishte dënuar pasi tentoi të vriste me snajper një të burgosur.

Këto lirime janë konsideruar si absurde dhe korruptive, pasi lirimi i eksponentëve të tillë të krimit rrit rrezikun për ngjarje të tjera kriminale.

Për këto vendime ka reaguar edhe gazetari Trashgim Sokolaj i cili në një postim në rrjetin e tij social, Facebook tregon prapaskenat e ndryshimit të ligjit që lejon abuzimet me të tilla raste.

Postimi i Plotë

Keta qe dalin te shqetesuar per lirimet e parakohshme kane futur ne ligj (ndryshime ne Kodin Penal te miratuara ne vitin 2017) opsionin e lirimit me kusht per te denuarit me burg te perjetshem. Nuk ka qene ne ligj kjo gje por e kane arnuar per interesa qe askush nuk i di.

Pasi bene ndryshimet ne fjale krijuan kete nen unik ne llojin e tij qe ne piken e pare ndalon lirimin me kusht per te denuarit me burg perjete dhe ne piken e dyte, lejon lirimin e tyre duke formuluar nje dispozite qe le vend per interpretime e abuzime.

Ajo dispozite ka krijuar keto dy vjet terrenin e njohur tashme qe kur ja do deshira apo frika nje gjyqtari, nje drejtori burgu dhe nje buroktrati ne zyren lokale te sherbimit te proves “i shpikin” kushtet e lirimit per te denuarit. Nga lart burojne te gjitha te keqijat dhe keta (te dy krahet, jo vetem njeri) jane aq eksperte, saqe i gatuajne sot gjerat dhe pasojat ndjehen dy vjet pas dhe nga kalimi i kohes te gjithe pyesin “kush ishte shkaku”.

Ja dhe neni brilant i Kodit Penal te ndryshuar ne vitin 2017:

Neni 65
(Ndryshuar paragrafi I, II me ligjin nr. 10 023, datë 27.11.2008;
ndryshuar me ligjin nr. 36/2017, datë 30.3.2017)
1. Nuk lejohet lirimi me kusht për të dënuarin me burgim të përjetshëm.

2. Vetëm në raste të jashtëzakonshme i dënuari me burgim të
përjetshëm mund të lirohet me kusht kur:
Ka vuajtur jo më pak se tridhjetë e pesë vjet burgim dhe, gjatë vuajtjes së dënimit ka mbajtur sjellje shembullore dhe çmohet se i është arritur qëllimit të dënimit për edukimin e tij.

3. Nga ky rregull, përjashtohen të dënuarit për veprat penale të parashikuara në nenet 78/a, 79/a, 79/b, 79/c dhe paragrafi i tretë i nenit 100