Familja Doda në Bathore ka hapur dyert e mortit, ndërsa po i jepet lamtumira e fundit Enisa Dodës, 17-vjeçares që u gjet e mbytur në Velipojë ditën e djeshme.
Gazetarja e Abc News, Glidona Daci ndodhet në Bathore, pranë shtëpisë së familjes Doda, ku dhimbja është e madhe.
None found
Gazetarja ka pasur një komunikimi me babin e 17 vjeçares, i cili ishte në gjendje të rëndë psikologjike. Ai ka pohuar vetëm se Indrit Bajraktari është i njohur i familjes dhe ka kërkuar që të largohen nga shtëpia pasi duan qetësi në këtë ditë të dhimbshme dhe të vështirë.
Ngjarja e rëndë ndodhi ditën e djeshme në plazhin e Velipojës. 17-vjeçarja u nxorr e pajetë nga deti, ndërsa, ndërsa u fut në det për të bërë xhiro me motor uji me 25-vjeçarin Indrit Bajraktari.
Ky i fundit është arrestuar nga policia, ndërsa vdekja e 17-vjeçares vijon të jetë e mistershme.
Nga të dhënat e deritanishme nga grupi hetimor bëhet me dije se Bajraktari është nxjerrë nga deti nga ekipi i sigurisë.
Ndërsa çelësi i motorit të ujit është gjetur i varur në qafën e 17-vjeçares Enisa Doda. Sipas protokollit çelësi është i lidhur me varëse që përdoret në rast se mjeti i lundrimit fiket dhe qëndron në vend.
Punonjës të pikës së dhënies me qira të motorëve të ujit kanë deklaruar se njëri prej tyre i ka mbajtur në vëzhgim dy të rinjtë, të cilët sipas tyre kanë qenë të pajisur edhe me jelekë shpëtimi.
Ndërkohë nëna e vajzës ka deklaruar se në momentin kur e bija është larguar ka qenë e veshur me xhinse të shkurta dhe këmishë.
Në momentin që punonjësit e pikës së dhënies me qira të motorëve të ujit, janë hasur me djalin i cili ka qenë i zhytur, ai i ka thënë se vajzën e ka nxjerrë në breg dhe ia ka dorëzuar xhaxhait.
Ata e ka marrë të riun dhe e ka nxjerrë nga deti duke e mbajtur të izoluar deri në mbërritjen e policisë.
Ndërsa sipas policisë i riu ka dalë nga deti pa motorin e ujit rreth dy orë e gjysmë pasi ishte futur në ujë bashkë me 17-vjeçaren.
Spitali i Përgjithshëm i Kumanovës do të punësojë edhe 23 specializantë privatë në 12 specialitete mjekësore, duke e çuar në…
Medhi Benatia ka kritikuar ashpër mënyrën se si Real Madridi u nda nga Xabi Alonso, duke argumentuar se në futbollin…
Arsene Wenger ka vendosur të mos kandidojë për president të FIFA-s, duke refuzuar kështu mundësinë për t’u bërë rival i…
Kryetarja e Komisionit për Kulturën, Turizmin dhe Diasporën, Ina Zhupa, ngriti gjatë shqyrtimit të buxhetit të Qendrës Kombëtare të Kulturës…
Një deklaratë e fortë mësohet të jetë bërë nga ish-kryeministri dhe ish-deputeti socialist, Pandeli Majko, gjatë mbledhjes me dyer të…
Kryeministri në detyrë i Izraelit, Benjamin Netanyahu, ka përsëritur thirrjen për krijimin e një qeverie të unitetit kombëtar me rivalin…