E helmuan apo i dha fund jetës? Del ekspertiza paraprake për vdekjen e Andon Mëhillajt

Ditën e djeshme, në ambjentet e burgut të Peqinit u gjet i pajetë i dënuari me burgim të përjetshëm Andon Mëhillajn.

Familjarët aluduan se mund të jetë pasojë e një helmimi, por pikëpyetjet u hodhën dhe se ai mund të kishte vrarë veten pasi më herët kishte tentuar të bënte një gjë të tillë.

Edhe pse ekspertiza do një muaj që të dalë, në atë paraprake thuhet se vdekja e tij ka qenë e menjëhershme.

“Vdekje e menjëhershme për shkaqe ende të pasqaruara! Do pritet rezultati përfundimtar i autopsisë pas 29 ditësh”, thuhet në raportin paraprak nga mjekët ligjorë të Elbasanit.

Kujtojmë se Mëhillaj dhe disa të afërm të tij dyshoheshin si porositësit e krimeve të pranuara nga Julian Sinanaj.

Familjaret tregojne se Andon Mehillaj, baba i dy femijeve vuante nga zemra, qe ne momentin qe hyri ne burg.

“Ai vuante nga zemra qe ne momentin qe hyri ne burg. Shteti e ka lene te izoluar. Ka nderruar jete per shkak te mungeses se ndihmes mjekesore”- thone familjaret.

Ata tregojne se u eshte komunikuar se ai ka nderruar jete per shkak te nje ataku kardiak.

Sipas tyre ai nuk kishte lidhje me asnje nga akuzat kriminale qe i jane bere. “Cfare krimineli ishte ai, ate e denuan se nuk kishte leke”- thone ata.