Real Madrid ka triumfuar në “El Clasicon” përballë Barcelonës brenda në “Bernabeu”.
Triumf 2-0 dhe ngjitje në vendin e parë për ekipin e Zidane, që iu fal golave të Vinicius dhe Mariano Diaz.
Sfida nisi mirë për Realin, por rastet më të pastra i krijuan blaugranat në pjesën e parë. Fillimisht, Griezmann humbi një rast flagrant shumë pranë portës në minutën e 21-të, ndërsa më pas ishte radha e Arthur, i cili i vetëm përballë Courtois u ndal nga ky i fundit.
Në minutën e 38-të, Messi u neutralizua njësoj si Arthur nga një super Courtois, me pjesën e parë që u mbyll me rrjeta të paprekura. Fraksioni i dytë nisi me një Real më kërkues, që dominoi që në fillim dhe krijoi disa raste.
Isco shkoi dy herë shumë pranë golit, ku fillimisht u ndal nga një ndërhyrje magjike e Ter Stegen, ndërsa më pas ishte Pique, i cili në vijën fatale largoi topin.
Gjithsesi, goli ishte çështje kohe dhe në minutën e 71-të erdhi momenti i Vinicius Junior. Braziliani shënoi golin e avantazhit për ekipin e tij, duke çuar “Bernabeun” në këmbë.
Kroos shpiku një asist magjik dhe djaloshi nuk zhgënjeu edhe pse u ndihmua edhe nga devijimi i Pique, i cili këtë herë e nxorri jashtë loje portierin e tij. Pas golit, Barça u mundua të reagonte duke u hedhur e gjitha në sulm, por ishte përsëri Reali që shënoi golin që mbylli gjithçka. Ai që askush s’e priste mposhti Ter Stegen! Mariano Diaz shënoi në minutën e 92-të, duke mbyllur gjithçka 2-0.
Eksportuesi i perimeve Marigren Qorri, 40-vjeç dhe dy punonjësit e AKU-së Berat, Griselda Doksani, 25-vjeçe dhe Ronaldo Lika, 25-vjeç kanë…
Administrata Trump synon të kërkojë një ulje drastike të azilit në Kombet e Bashkuara më vonë këtë muaj, në margjinat…
Ish-deputeti Ervin Salianji, i ka cilësuar emrat për ministra të propozuar nga kryeministri Edi Rama, si propozime për të përjetësuar…
Modelja e njohur Oriola Marashi, është një nga vajzat më të bukura dhe të famshme shqiptare, e cila prej vitesh…
Një ngjarje tragjike ka tronditur qytetin e Durrësit, ku mëngjesin e së enjtes 43-vjeçari Bardhyl Kaloshi, baba i tre fëmijëve,…
Ata që janë në kërkim të një pune në Shqipëri përbëjnë 8,5% të personave që janë në gjendje, tregues që…