Dy thika në bark e një në zemër, fundi tragjik i 33 vjeçares në Durrës

Detaje të reja janë zbuluar nga krimi makabër i ndodhur mesnatën e djeshme në Durrës ku Lulzim Cuko qëlloi për vdekje bashkëshorten e tij Manjola Cuko dhe më pas u largua nga vendi i ngjarjes.

Mësohet se Lulzim Cukur e ka qëlluar tre herë me thikë bashkëshorten, për shkaqe xhelozie. Sipas hetuesve, 33 vjeçarja është qëlluar dy herë në bark dhe një goditje në pjesën e zemrës, e cila ka rezultuar fatale për jetën e saj. Sipas hetuesve nuk ka gjymtim të kufomës.

Çifti Lika kanë tre fëmijë të vegjël, më i madhi 10 vjeç dhe më i vogli 2 vjeç, përkatësisht dy vajza dhe një djalë. 45 vjeçari shkonte herë pas here në Greqi si emigrant.

Kanë qenë pikërisht të bërtiturat e viktimës që kanë alarmuar fqinjët, të cilët kanë telefonuar policinë për ngjarjen e rëndë.

Ndërkohë mësohet se familjarët e 33-vjeçares, kanë marrë trupin dhe do ta varrosin në Dibër.

45 vjeçari pasi ka kryer krimin është larguar nga banesa dhe në ndjekje të tij janë vënë shërbimet e Policisë. Materialet do ti kalojnë Prokurorisë për veprën penale “Vrasja për shkak të marrëdhënieve familjare”./albeu.com