Categories: Uncategorized

Dy laboratorë të tjerë konfirmojnë se lideri i opozitës ruse u helmua me Novichok

Qeveria gjermane bëri të ditur se dy laboratorë specialë në Francë dhe Suedi kanë konfirmuar se udhëheqësi rus i opozitës Alexei Navalny ishte helmuar me agjentin nervor të periudhës sovjetike Novichok.

Një laborator ushtarak gjerman kishte konfirmuar më parë praninë e kësaj substance në trupin e udhëheqësit të opozitës ruse. Zëdhënësi i qeverisë gjermane Steffen Seibert tha të hënën se Organizata për Ndalimin e Armëve Kimike (OPCW) ka marrë gjithashtu mostra për t’i testuar në laboratorët e saj.

Të lidhura

None found

“Pavarësisht nga ekzaminimet e vazhdueshme nga OPCW, tre laboratorë tashmë kanë konfirmuar në mënyrë të pavarur nga njëri-tjetri se një agjent nervor i grupit Novichok ka qenë shkaku i helmimit të z.Navalny“, tha zoti Seibert në një deklaratë. Ai shtoi se Gjermania kishte kërkuar nga Franca dhe Suedia një “rishikim të pavarur” të gjetjeve të autoriteteve gjermane, duke përdorur mostra të reja nga zoti Navalny.

Alexei Navalny, kundërshtari më i shquar i Presidentit rus Vladimir Putin, u dërgua në Gjermani dy ditëë pasi u sëmur më 20 gusht gjatë një fluturimi të brendshëm në Rusi. Berlini ka kërkuar që Rusia të hetojë çështjen. Zoti Seibert ripërsëriti të hënën kërkesën e Berlinit që “Rusia të jape shpjegime” lidhur me këtë çështje. Ai shtoi se “ne jemi në konsultim të ngushtë me partnerët tanë evropianë për hapat e mëtejshëm”.

Kremlini ka reaguar kundër thirrjeve të Kancelares Angela Merkel dhe udhëheqësve të tjerë botërorë që Rusia t’u përgjigjet pyetjeve lidhur me rastin duke mohuar çdo përfshirje të Moskës. Ai akuzua Perëndimin se po përpiqet të njollosë Moskën.

Autoritetet ruse kanë nxitur Gjermanisë të ndajë provat që e çuan atë në përfundimin “jashtë çdo dyshimi” se zotiNavalny ishte helmuar me një agjent nervor ushtarak nga grupi Novichok, e njëjta klasë e agjentit nervor të periudhës sovjetike që autoritetet britanike thanë se ishte përdorur për helmimin e ish-agjentit rus Sergei Skripal dhe vajzës së tij në Salisbury të Anglisë në vitin 2018.

Berlini i ka hedhur poshtë kërkesat e Moskës duke i cilësuar si përpjekje për të zvarritur çështjen. Zoti Navalny u mbajt në gjendje kome të detyruar për më shumë se një javë ndërsa po mjekohej. Më pas mjekët thanë se gjendja e tij ishte përmirësuar aq sa ai mund të nxirrej nga koma. Nuk është e qartë kur spitali Charite i Berlinit, do të publikojë të dhëna të reja mbi shëndetin e tij.

të fundit

Waitz: Korrupsioni frenon zhvillimin e Maqedonisë së Veriut, duhen përpjekje për kapërcimin e pengesave nga Bullgaria

Sundimi funksional i së drejtës, zbatimi konsikuent i ligjeve dhe përzgjedhja e kuadrove udhëheqëse në bazë të arsimit, përvojës së…

1 minute ago

Pecakov condemns attack on 26-year-old woman in Ohrid, urges institutions to act swiftly

Kryetari i Komunës së Ohrit, Kiril Pecakov, dënoi ashpër dhunën ndaj vajzës 26-vjeçare, e cila përfundoi në spital me lëndime…

10 minutes ago

Baloku comments on the arrest of former minister Haraqija and brings one of his statements back into focus

Deputeti i Lëvizjes Vetëvendosje, Armend Baloku, ka reaguar pas arrestimit të ish-ministrit të Kulturës, Haraqija. Në një postim, Baloku ka…

10 minutes ago

Spain: We will not block Kosovo’s move closer to the EU

Spanja nuk do të jetë pengesë për afrimin e Kosovës me Bashkimin Evropian, deklaroi kryediplomati spanjoll, Jose Manuel Albares, gjatë…

10 minutes ago

Kusari-Lila at the Vienna Economic Forum: The EU cannot be complete without the Western Balkans

Ministrja e Tregtisë dhe Industrisë, Mimoza Kusari-Lila, ka marrë pjesë në panelin ministror të Forumit Ekonomik të Vjenës, ku ka…

11 minutes ago

Përfundon në Tiranë protesta e 170-të kundër qeverisë

Është mbyllur protesta e 170-të në Tiranë. Gjatë ditës së sotme, pati tensione të herëpashershme mes policisë dhe qytetarëve. Policia…

11 minutes ago