DETAJE/ 17-vjeçarja që u mbyt në Velipojë ra nga skafi, si e fshehu ngjarjen i riu

Një 24-vjeçar është arrestuar nga policia pasi akuzohet se ka fshehur ngjarjen ku një vajzë 17-vjeçare u gjet e mbytur ditën e djeshme në Velipojë.

Mësohet se dy të rinjtë kanë qenë bashkë duke udhëtuar me skaf dhe vajza ka rënë nga skafi.

Djali, i identifikuar si Indrit Bajraktari nga Postriba, është larguar nga vendi i ngjarjes dhe nuk ka treguar asgjë për këtë fakt.

24 vjeçari ka deklaruar se vajza ka rreshqitur nga skafi dhe se nuk e mban mend mire se çfare ka ndodhur.

Policia vijon punën për zbardhjen e plotë të ngjarjes. 17 vjeçarja ishte me origjinë nga Burreli dhe banuese në Bathore në Tiranë. Ajo kishte ardhur këto dy dite me familjen në plazhin e Velipojës, ndërsa 24 vjeçari ishte një shok i saj.

Njoftimi i policisë

Vihet në pranga një 25-vjeçar për ngjarjen e ndodhur në Velipojë ku humbi jetën si pasojë e mbytjes në det një 17-vjeçare.

Strukturat hetimore të Drejtorisë Vendore të Policisë Shkodër në bashkëpunim me Shërbimet e Policisë Velipojë, menjëherë pas ngjarjes së ndodhur ku humbi jetën si pasojë e mbytjes në det një 17-vjeçare, organizuan punë nën drejtimin e Prokurorisë së Rrethit Gjyqësor Shodër për zbardhjen e rrethanave të ngjarjes.

Në përfundim të veprimeve të para hetimore u bë arrestimi në flagrancë i shtetasit:

– I. B., 25 vjeç, banues në fshatin Kullaj, Njesia Administrative Postrribë Shkodër.

Nga tërësia e veprimeve hetimore rezultoi se më datën 19.08.2020, rreth orës 14:00, në vendin e quajtur Vilu, plazh Velipojë Shkodër, ky shtetas ka hyrë në det me motorr uji të marrë me qera së bashku me shtetasen E. D., 17 vjeçe, banuese në Bathore.

Rreth orës 16:30, ky shtetas ka dalë në breg pa motorrin e ujit duke lënë të mbytur në ujë shtetasen E. D., e cila kishte ardhur për pushime së bashku me familjen e saj.

Në cilësinë e provës materiale u sekuestrua çelësi i motorrit.

Materialet i kaluan Prokurorisë pranë Gjykatës së Shkallë së Parë Shkodër për veprime të mëtejshme për veprat penale “Shkaktimi i vetëvrasjes”, “Moskallëzimi i krimit” dhe “Veprime që pengojnë zbulimin e së vërtetës”.