“Shifrat e fundit janë tmerruese”, flet kreu i Shërbimit Spitalor në Kosovë

Rritje e frikshme e rasteve te reja me koronavirus ne Kosove. Vetem dje janë konfirmuar 205 raste të reja dhe 3 persona kane humbur jeten.

Kreu i Shërbimi Spitalor dhe Klinik Universitar i Kosovës (ShSKUK’së), Valbon Krasniqi, ka thënë se këto shifra janë tmerruese për Kosovën.

“Nëse vazhdojnë këto shifra, atëherë në vend do të rëndohet situata edhe më shumë. Gjendja është skajshmërisht e rënduar. Kapacitetet e klinikave të QKUK-së janë stërmbushur. Ne kemi raportuar që tashmë edhe spitalet regjionale kanë filluar të trajtojnë rastet më të lehta, në mënyrë që të provojmë të shkarkojmë pak klinikat e QKUK-së”, ka deklaruar Krasniqi, raporton Express.

Ndryshe, Instituti Kombëtar i Shëndetësisë Publike të Kosovës (IKSHPK) ka njoftuar mbrëmë se janë konfirmuar edhe 205 raste të reja me koronavirus në vend.

Numri i të infektuarve me koronavirus ka shkuar në 4512. Prishtina, Ferizaj, Prizreni, Fushë Kosova, Podujeva, Mitrovica, Peja, Vushtrria, Obiliqi, Shtimja, Dragashi, Lipjani, Rahovec, Drenasi, Istogu, Gjakova, Kacaniku, Skenderaj, Klina, Malisheva, Mitrovica e Veriut dhe Suhareka. Instituti po ashtu ka bërë të ditur se janë shëruar edhe 61 persona të prekur nga koronavirusi.