Rrezikohet të prishet koalicioni, Mustafa i dërgon ultimatum Kurtit

ryetari i LDK-së, Isa Mustafa, thotë se veprimet e njëanshme të kryeministrit Albin Kurti çojnë në prishje të koalicionit qeverisës. Ai i jep ultimatum shefit të Qeverisë që ta anulojë vendimin për shkarkimin e Agim Veliut dhe ta heqë tarifën ndaj produkteve serbe brenda javës

Mustafa e quan të njëanshëm vendimin e kryeministrit Kurti për ta shkarkuar Agim Veliun nga pozita e ministrit të Punëve të Jashtme, transmeton Gazeta Express.

Sipas Mustafës, ky vendim shkel marrëveshjen e koalicionit qeverisës mes LDK-së e Vetëvendosjes.

Kreu i LDK-së kërkon nga partneri i tij qeverisës që ta anulojë vendimin për shkarkimin e Veliut, duke e paralajmëruar se vendime të tilla çojnë në prishje të Qeverisë.

Shkrimi i plotë i Mustafës

Qytetarë të nderuar

Për mua dhe LDK-në është i papranueshëm shkarkimi i Ministrit të Punëve të Brendshme dhe Administratës Publike, z. Agim Veliu.

Kjo është shkelje e Marrëveshjes së koalicionit.

Me marrëveshje kemi përcaktuar se ministrat mund të shkarkohen nga Kryeministri në konsultim me Kryetarin e subjektit politik me të cilin është bërë koalicioni, bazuar në një arsyetim që e pranon Kryetari i LDK-së.

Si kryetar i LDK-së nuk jam konsultuar nga Kryeministri dhe aq më pak i pranoj arsyet e tij te bëra publike.

Kërkoj nga Kryeministri të anuloj vendimin për shkarkimin e z. Veliu dhe të merr vendim per heqjen e taksës deri në fund të javës.

Veprimet e njëanshme të Kryeministrit janë të dëmshme dhe të papranueshme dhe qojnë në prishje të koalicionit. IM