Përfundon takimi Hoti-Ramosajn, reagon kryeministri i Kosovës

Kryeministri i vendit Avdullah Hoti sapo ka përfunduar vizitën në komunën e Deçanit, ku ka takuar kryetarin Bashkim Ramosaj e me të cilin kanë diskutuar në lidhje me temën më aktuale të këtyre ditëve ndërtimi i rrugës Deçan-Plavë, përkatësisht kontestit që ekziston në ndërtimin e kësaj rruge me Manastirin e Deçanit.

Hoti tha se ka një kulturë institucionale në vend për të respektuar ligjet qëq dalin nga Kuvendi i Kosovës e po ashtu vendimet që rrjedhin nga Qeveria e Kosovës.

“Vizitova kryetari e Deçanit, diskutuam për çështjet e rëndësishme për zhvillimin dhe ne veçanti për ndërtimin e rrugës Deçan-Plavë. Ne kemi kulturë institucionale për ë respektuar ligjet që janë nxjerr nga kuvendi i Kosovës për të respektuar vendimet e institucioneve”, tha Hoti para gazetarëve.

Ai tutje shtoi se gjatë ditëve në vazhdim do të përpiqen të gjejnë një zgjidhje sa më të përshtatshme për këtë rrugë, që është brë “moll sherri” në mes të komunës së Deçanit dhe Qeverisë së Kosovës.

“Ne jemi këtu për të gjetur zgjidhje e mirë për promovuar interesat e qytetarëve të Deçanit, por në të njëjtë kohë për të treguar kujdes për objektet e trashëgimisë siç është Manastiri i Deçanit,. Në ditën në javët në vijim do të gjejmë zgjidhjen më të mirë.

Në anën tjetër kryetari Ramosaj tha se është përkushtim i përbashkët që rruga të vazhdoj të ndërtohet por se fillimisht duhet të zgjidhet në tërësi kontesti që ka komuna me Manastirin e Deçanit.