NATO-ja tha se nuk ka planifikuar ngjarje specifike me Serbinë në muajt e ardhshëm, porse mbetet e përkushtuar për një partneritet, “në interes të stabilitetit dhe sigurisë në rajon”.
Aleanca Veri-atlantike i bëri komentet për Shërbimin e Ballkanit të Radios Evropa e Lirë, pasi Qeveria e Serbisë vendosi të mërkurën që, në gjashtë muajt e ardhshëm, t’i ngrijë të gjitha stërvitjet dhe aktivitetet ushtarake.
“NATO e vlerëson partneritetin afatgjatë me Serbinë”, thuhet në reagimin dërguar Radios Evropa e Lirë.
Vendimi i Qeverisë së Serbisë erdhi një ditë pasi Ministria e Mbrojtjes e Bjellorusisë publikoi informacionin se pjesëtarët e Forcave të Armatosura të Ushtrisë së Serbisë do të marrin pjesë në stërvitjen e përbashkët me Rusinë dhe Bjellorusinë, të quajtur “Vëllazëria sllave”.
Kjo stërvitje do të mbahet në Bjellorusi në mes të shtatorit.
Duke folur për vendimin e qeverisë, ministri i Mbrojtjes i Serbisë, Aleksandar Vulin, tha se ai është marrë për të ruajtur pozicionin e neutralitetit ushtarak të Serbisë dhe “për të shmangur, ose së paku zvogëluar, pasojat e sulmeve të intensifikuara ndaj Serbisë”.
Serbia ndodhet nën presion “të tmerrshëm dhe të pamerituar” nga Bashkimi Evropian, tha Vulin.
Bjellorusia është duke u përballur me demonstrata masive nga qytetarët qëkur presidenti bjellorus, Alyaksandr Lukashenka, shpalli fitoren në zgjedhjet e gushtit.
Serbia e ka mbështetur Deklaratën e Bashkimit Evropian të 11 gushtit, për zgjedhjet presidenciale në Bjellorusi, e cila thotë se qytetarët e Bjellorusisë “kanë treguar një dëshirë për ndryshim demokratik” gjatë fushatës zgjedhore, por që “zgjedhjet nuk kanë qenë as të lira, as të drejta”.
Ditën e sotme dollari amerikan, në blerje do të këmbehet me 81.2 lekë, në shitje me 82.4 lekë. Euro, do…
Sulmuesi i Kombëtares shqiptare, Jasir Asani, ishte protagonist në fitoren e rëndësishme 0-3 të Esteghlal në transfertë ndaj Al Muharra.…
Këtë të enjte, besimtarët e krishterë festojnë Krishtlindjen, ditën e shënuar të lindjes së Jezu Krishtit, e cila kremtohet në…
Këtë të enjte vendi ynë, do të ndikohet nga kushte atmosferike të kryesisht të paqëndrueshme. Moti parashikohet me vranësira mesatare…
nga Ersuin Shehu Banka e Shqipërisë vendosi në fillim të këtij muaji të japë miratimin paraprak për licencimin e bankës…
Dashi Tregohuni sa me diplomate dhe te duruar me partnerin tuaj gjate kësaj dite ne mënyrë qe gjerat te ecin…