Doli pozitiv me koronavirus, kjo është gjendja shëndetësore e Mustafës

Isa Mustafa disa ditë më parë doli pozitiv me koronavirus.

Gaxherri iu ka bërë thirrje qytetarëve që t’i respektojnë të gjitha rekomandimet e institucioneve shëndetësore, në mënyrë që të mbrohemi nga pandemia, Covid – 19.

Tutje, ajo ka folur edhe për gjendjen e të parit të partisë së saj, Isa Mustafa, i cili ditë më parë rezultoi pozitiv me këtë virus.

“Fatbardhësisht, gjendja e kryetarit Mustafa është e mirë. Që nga koha kur ka rezultuar pozitiv, nuk ka pasur shqetësime të mëdha”, tha deputetja.

Ndërkohë, Gaxherri ka folur edhe për komentet negative nga disa individë, që kishin të bënin me shëndetin e kryetarit të LDK-së.

“S’kam koment, kryesisht këto gjëra i bëjnë grupet e organizuara, kryesisht janë militantë të ndonjë subjekti. Nuk mundem me ditë kush janë saktë, janë grupe të caktuara, sepse vetëdija qytetarë nuk është aq e ultë. Dikush po tenton t’i kthejë në gogolë politikanët në Kosovë”, tha Gaxherri.