Lideri i Lëvizjes Vetëvendosje, Albin Kurti, ka treguar detaje lidhur me takimin që zhvilloi sot në Prishtinë me zëvendës presidentin e Komisionit në Bashkimin Europian, Josep Borrell Fontelles.
Kurti përmes facebook-ut, ka thënë se me Borrell kanë diskutuar për marrëdhëniet e Kosovës me BE-në në kuadër të procesit të integrimit si dhe për dialogun e zhvilluar nën drejtimin e BE-së, njofton Klan Kosova.
None found
”Sot e mirëpritëm në Prishtinë përfaqësuesin e lartë për politikë të jashtme dhe të sigurisë/zëvendës presidentin e Komisionit në Bashkimin Evropian, z. Josep Borrell Fontelles.
Diskutuam për marrëdhëniet e Kosovës me BE-në në kuadër të procesit të integrimit si dhe për dialogun e zhvilluar nën drejtimin e BE-së. E përsërita qëndrimin tonë për shqyrtimin e marrëveshjeve të nënshkruara deri më tani, për nga zbatimi e ndikimi i tyre, dhe nevojën e një diskutimi me z.Borrell për fazën e re të dialogut me Serbinë. Duhet të rishikojmë dhe vlerësojmë cilësinë e marrëveshjeve të mëhershme para se të negociojmë dhe nënshkruajmë marrëveshje të reja. Nuk duhet të vonohemi, por edhe nuk mund të ngutemi.
Dialogu duhet të jetë për çështjet e pa adresuara e të pa zgjidhura, duhet të jetë i përgatitur dhe parimor. Kosova është shtet i pavarur dhe sovran, kjo duhet të jetë premisa e çdo dialogu dhe epilogu i çdo marrëveshje”.
Në këtë reagim të Albin Kurtit, lidhur me agjenden e tij të sotme, përmendet edhe përpjekja për krijimin e qeverisë që sipas tij do të marrë drejtim javën e ardhshme, njofton Klan Kosova.
”Ne besojmë në fuqinë e Bashkimit Evropian për t’u bashkuar rreth qëllimeve të përbashkëta për të mirën e përbashkët. Zgjidhja e çështjeve të mbetura mes Kosovës e Serbisë është në interes të gjithë rajonit.
Gjithashtu e njoftova z. Borrell edhe me përpjekjet për krijimin e qeverisë së re e cila do të marrë drejtim në javën që vjen. Drejtësia e shtetit me sundim të ligjit dhe zhvillimi ekonomik me punësim sidomos për të rinjtë dhe gratë do të jenë prioritet yni”.
Vijon aksioni i protestuesve edhe sot më 14 tetor përpara Ministrisë së Arsimit dhe në Rrugën e Durrësit. Pasi shkulën…
Këtë të mërkurë, Bordi i Transparencës, ka caktuar çmimet e reja të shitjes së naftës dhe benzinës në Shqipëri. Sipas…
Jose Mourinho ka rikthyer stilin e tij luftarak te Real Madridi, duke dalë hapur në mbrojtje të futbollistëve dhe duke…
Një qytetar, i cili deklaron se është anëtar i Partisë Socialiste, ka djegur teserën e anëtarësisë gjatë protestës së studentëve,…
Hyundai ka prezantuar gjeneratën e re të modelit Bayon në panairin e automjeteve në Paris, duke sjellë një dizajn më…
Një student i Mjekësisë, i cili është bërë pjesë e protestës sot para Ministrisë së Arsimit, pohoi për News24 se…