Strakosha dëmtohet sapo kthehet në stërvitje

Thomas Strakosha është dëmtuar dhe rrezikon të humbasë pjesën e mbetur të sezonit.

Ai u dëmtua në stërvitjen e parë të ekipit që pas rikthimit, por klubi i Lazios ende nuk ka reaguar.

Mediet italiane bëjnë me dije se portieri ka një frakturë në gishtin e vogël të këmbës, por mbetet të shihet se si do të reagojë. Probleme të tilla mund të zgjasin 3 javë deri në 2 muaj.

Kujtojmë që Serie A rikthehet më 13 qershor prandaj dhe Strakosha mund të humbasë ndeshje të rëndësishme.