Turku letër autoriteteve shqiptare: Më rrezikohet jeta, mos më dërgoni në atdhe!

Selami Simsek, shtetasi turk i arrestuar dhe dënuar në Shqipëri me 18 muaj për akuzën “Falsifikim i letërnjoftimeve, i pasaportave ose i vizave”, i druhet frikës se ektradimit në Turqi.

Simsek, që njihet dhe si mbështet i Fetullah Gylen, kundër shtar i Presidentit Erdogan, nga burgu nëpërmjet avokatit të tij i ka dërguar një letër të gjatë Drejtorisë së Migracionit dhe Kufirit.

Në letrën e tij, Simsek kërkon që të mos dëbohet në Turqi, por të fitojë të drejtën e azilit, pasi nëse kthehet në atdhe i rrezikohet jeta.

Sipas kësaj kërkesë së të dënuarit, prej Janar 2020 ai ka paraqitur një kërkesë për azil pasi sipas tij ai përndiqet nga shteti turk dhe i rrezikohet jeta.

Ai tashmë ndodhet në proces gjyqësor për të kërkuar pafajësi, por kërkon që pasi të mbarojë gjyqi të vijojë qëndrimin në Shqipëri.

Shtetasi Selami Simsek u arrestua më 8 korrik 2019, pasi kërkonte që të largohej drejt Kanadasë me dokumente false nëpërmjet aeroportit të Rinasit.

Atij ju sekuestrua pasaporta false dhe bashkë me shokun e tij Harun Çelik përfunduan në burg.

Çelik tashmë ndodhet në Turqi dhe u depërua në fillim të vitit 2020 me procedura të cilat kanë ngjallur shumë debat.

Harun Çelik, u dërgua në Turqi, megjithëse ai nuk ishte në kërkim ndërkombëtar. Mësuesi Harun Çelik, u arrestua në korrik 2019 në aeroportin e Rinasit, pasi iu gjet një vizë kanadeze, e cila pas kontrollit rezultoi se ishte e falsifikuar.

Turku, u dënua nga gjykata me 5 muaj burg, dënim që Çelik, me profesion mësues e vuajti në burgun 302 në Tiranë.

Në fillim të janarit pas përfundimit të dënimit ai u ekstraduar në Turqi, edhe pse kishte kërkuar azil.