Tuna bën komentin pikant për klipin e Dafinës, si i kanë marrëdhëniet vajzat? (FOTO LAJM)

Tuna dhe Dafina Zeqiri bënë namin në 2010 me super bashkëpunimin e famshëm me 2PO2, “Vibe” që pati mjaft sukses.

Mirëpo, diçka ndodhi mes tyre dhe më pas dy këngëtaret u tha se nuk flisnin me njëra-tjetrën dhe kjo për shkak të disa deklaratave të Dafinës, ose përgjimeve në telefon të një bisede ku ajo vinte në pikëpyetje talentin e Tunës dhe e quante atë njeri me dy fytyra.

Gjërat mes tyre u dukën që nuk ishin ok, kur Tuna zhduku pjesën e refrenit të Dafinës në këngën “Vibe”, duke e modifikuar nëpër koncerte.

Megjithatë, zjarri mes tyre u shua në 2018, kur bënë paqe dhe postuan një foto me njëra-tjetrën në SHBA.

Një muaj më parë Dafina tha në NIN se marrëdhënia mes të dyjave është shumë e mirë dhe la të kuptohet se të dyja i kanë kërkuar ndjesë njëra-tjetrës!

Dhe si duket ajo që tha Dafina është shumë e vërtetë, madje ato tani edhe e përkrahin njëra-tjetrën.

Tuna ka publikuar pak më parë në Instastory këngën e fundit të Dafinës, në bashkëpunim me Ledrin dhe Lumi B, duke treguar mbështetjen e saj ndaj koleges.

Por, mbishkrimi që shoqëron videon është thjesht pikant…

Pussy poëer- ka shkuar Tuna.

Tashmë që marrëdhënia mes tyre është rregulluar le të kryqëzojmë gishtat që të bashkojnë forcat për ndonjë hit.

Tuna duket se ka nisur xhirimet e këngës së re, teksa ka dyshime se mund të sjellë një bashkëpunim me Soni Malajn dhe Yll Limanin.