Liroi Lul Berishën e u dogj nga Vettingu, kush është gjykatësi që iu shkrumbuan makinat

Makina e ish-kryetarit të Gjykatës Elbasan, Arben Vrioni u dogj mbrëmjen e sotme në qendër të qytetit të Elbasanit.

Persona të paidentifikuar dyshohet se kanë djegur gjithashtu edhe makinën e bashkëshortes së tij.

Bashkëshortja e Vrionit është punonjëse në zyrën e urbanistikës në Bashkinë Elbasan.

Rikujtojmë se Arben Vrioni është ish-gjyqtar i Apelit në Durrës, i cili u shkarkuar nga Vettingu.

Por kush është gjyqtari që iu dogj mjeti?

Vrioni rezulton se në dhjetor të vitit 2016, ka qenë pjesë e trupit gjykes në Apelin e Durrësit, i cili liroi nga burgu ish-kreun e Bandës së Durrësit, Lulzim Berisha.

Me vendimin e kësaj trupe gjykuese, Berisha iu rikthye lirisë pesë vite para afatit.

Ky vendim shkaktoi debat të gjerë, aq sa ambasadori amerikan i asaj kohe, Donald Lu nuk i kursye deklaratat e forta për gjyqtarët që dhanë vendimin.

Por Arben Vrioni nuk i shpëtoi dot procesit të vetingut për shkak të pasurisë.

Ai nuk arriti që të justifikonte një shumë prej 85 mijë dollarësh. Por në tentativë për të mbrojtur pozicionin e tij, ai paraqiti para trupës së vetingut një sërë kërkesash ku kërkonte përjashtimin e trupës gjykuese, duke e akuzuar si të njëanshme.

Tentativat e tij nuk u ndalën me kaq, madje ai pretendoi se kishte pësuar infarkt dhe se duhej të qetësohej në këtë periudhë.