Dalin pamjet: Si u përplasën anijet ushtarake greke dhe turke në Egje (FOTO LAJM)

Një konfrontim i drejtpërdrejtë midis anijeve luftarake të Turqisë dhe Greqisë ndodhi në ujërat në lindje të ishullit të Rodosit. Përplasja ka ndodhur të mërkurën, por është marrë vesh vetëm sot.

Sipas versionit turk, fregata greke Limnos kreu një manovër shqetësuese kundër anijes turke eksploruese Oruc Reis, e angazhuar në aktivitete kërkimore brenda Zonës Ekonomike Greke Ekskluzive Greke (EEZ) që nuk njihet nga Ankaraja.

Në këtë pikë, ndërhyri anija e shoqërimit turk Kemal Reis, i cili u përball me fregatën greke, duke e goditur atë dhe duke e detyruar të kthehej.

Sipas gazetës greke Ekathimerini, megjithatë, pati një përplasje siç duket për shkak të një gabimi në manovrën e luftanijes turke, e cila ka dëmin më të madh.

Incidenti është përfshirë në dosjen që ministri i Jashtëm Grek, Nikos Dendias, i paraqet sot Këshillit të Jashtëm të BE-së të thirrur nga kreu i politikës së jashtme, Josep Borrell, me kërkesë të Athinës.

Ministri i Jashtëm turk, Mevlut Cavusoglu, u kërkoi kolegëve të Unionit të denoncojnë “akte dhe aleanca të njëanshme të Greqisë dhe Qipros që kanë përjashtuar Turqinë”.

Për ministrin e Ankarasë, marrëveshja detare midis Greqisë dhe Egjiptit “shkel platformat kontinentale të Turqisë dhe Libanit” dhe “demonstron gatishmërinë e Athinës për të hyrë në një dialog të ndershëm me Turqinë“, shkruan Gazeta Express.

Presidenti turk, Rexhep Tajip Erdogan, pohoi se incidenti ishte përgjigja e Ankarasë ndaj kërcënimit nga Marina greke. “Ne e thamë, nëse ata na sulmojnë ata do të paguajnë një çmim shumë të lartë. Sot ata morën përgjigjen e parë“, komentoi ai.

Megjithatë, burimet diplomatike greke argumentojnë se pretendimi i Erdogan shërben vetëm për të justifikuar “dëmin e madh që ka pësuar anija turke“.

Ndërkohë, përpjekjet diplomatike janë shumëfishuar për të lehtësuar tensionet e shkaktuara nga prania e Turqisë në zonën jashtë ishullit grek Kastellorizo. Kancelarja gjermane, Angela Merkel dhe Presidenti i Këshillit Evropian, Charles Michel, po mbajnë kontakte me të kryeministrin grek, Kyriakos Mitsotakis, dhe Erdoganin.