Ish-presidenti i SHBA, Barack Obama është përkushtuar jo pak në fushatën e kandidatit demokrat, Joe Biden, dikur vartësit të tij, ndërsa shpesh është vënë në shenjestër të kandidatit republikan Donald Trump.
Debatet në distancë mes tyre kanë nisur të bëhen të përditshme, duke qenë se një ish-president mbase për Trump ka jo pak peshë si përkrahës i një kandidati për t’i zënë vendin.
Obama e akuzoi Trump se e ka parë presidencën amerikane si një “tjetër show televiziv”. Në një fjalim plot tone të ashpra të mbajtur në natën e tretë të konventës demokrate, presidenti i 44 i SHBA-ve, u përpoq të tregonte se pasardhësi i tij nuk arriti ta bënte mirë punën e vet për shkak të dembelizmit e paaftësisë!
“Trumpi nuk ka treguar interes për të bërë punën që duhet të bëjë. Asnjë interes për të gjetur gjuhën e përbashkët. Asnjë interes për ta trajtuar presidencën si diçka më shumë sesa reality shoë me qëllimin që të marrë vëmendjen që aq shumë e dëshiron. Pasojat e presidencës Trump po I shohim: impulse tona më të këqija të çliruara nga zinxhirët, reputacioni ynë krenar në mbarë botën, është rrudhur keqas dhe institucionet tona demokratike, kërcënohen si kurrë më parë. Një cirk i vërtetë, me të gjithë ligësinë, gënjeshtrat dhe teoritë e konspiracionit”, u shpreh Obama.
Si gjithnjë, për figura të larta, Trump e ka gjithnjë përgjigjen e nuk mund të mungonte as kësaj radhe.
“Unë shoh tmerrin në të cilin ai na la dhe idiotësinë e lëvizjeve që bëri. Shoh sa keq ishte, sa joefikas ka qenë ai si president, është e tmerrshme. Unë jam sot këtu përpara jush si president pikërisht për shkak të punës së keqe të presidentit Obama dhe Joe Bidenit”, tha Trump.
Është ndarë nga jeta në moshën 58-vjeçare Artan Lame, një nga figurat e njohura të jetës publike shqiptare. Ai drejtoi…
Policia e Durrësit, ka identifikuar dhe shpallur në kërkim dy persona të dyshuar për përfshirje indirekte në atentatin ndaj 29-vjeçarit…
Ditën e djeshme, u zhvillua një operacion i madh kundër trafikut ndërkombëtar të drogës, pastrimit të parave dhe shpërdorimit të…
Nevojat për investime në infrastrukturë, arsim dhe shëndetësi janë shumë të mëdha për të mbuluar hendekun e standardeve me BE,…
Një aksident i frikshëm ka ndodhur në New Jersey, në të cilin një kamion 33 tonësh u përplas me një…
Pak më parë, një aksident ka ndodhur në autostradën Durrës-Tiranë, pranë fshatit Gërdec të Vorës. Ende nuk dihen rrethanat e…