Pamjet që shihni janë shkëputur nga një aksident rrugor në Miami të Amerikës, ku pas përplasjes së dy makinave njëra prej tyre ka shpërthyer në flakë, duke rrezikuar seriozisht jetën e shoferit.
Ky i fundit teksa përpiqej që të dilte nga dritarja e makinës, dikush i është afruar me shpejtësi dhe e ka ndihmuar të dalë prej aty, duke i shpëtuar në këtë mënyrë edhe jetën.
Heroi i kësaj historie shkruan ‘Daily Mail’ është Jim Angulo, i cili ishte duke shkuar në punë në Miami rreth orës 02:00 të mërkurën, kur pa një automjet që po digjej, dhe ndaloi menjëherë.
Ajo që të bie në sy në dëshminë e tij, është fakti se në vendin ku po digjej makina, kanë qenë dhe njerëz të tjerë, të cilët kishin preferuar që të nxirrnin celularët dhe të filmonin, pa i dhënë ende ndihmën personit që ishte në flakë.
“Shikova nga e majta, dhe shikova nga e djathta dhe pashë 20 persona me celularët e tyre që nuk bënin asgjë, dhe unë thashë: “Kjo varet nga unë”, i tha Angulo mediave amerikane, ndërsa shtoi se “Nëse unë do të isha në të njëjtën situatë, shpresoj se dikush do të bënte të njëjtën gjë për mua.”
Angulo dhe një burrë tjetër shkuan me guxim drejt zjarrit dhe nxorën njeriun nga dritarja e kamionit. Ndërkohë, shoferi kishte pësuar djegie në disa pjesë të trupit, por është jashtë rrezikut për jetën.
Dashi Mos jini shumë xheloz në raport me partnerin/en, pasi në këtë moment është e rëndësishme që të ruani hapësirat…
Një aksident tragjik ka ndodhur në Afganistan. Siç raportohet më shumë se 70 persona, përfshirë 17 fëmijë, u vranë në…
Pas zhvillimeve të fundit diplomatike mes SHBA-së dhe Rusisë në përpjekje për t’i dhënë fund konfliktit në Ukrainë, Papa Leone…
Një efektivi policie i është pezulluar leja e drejtimit për 3 muaj dhe janë zbritur 6 pikë nga leja e…
Zyra e OSBE-së për Institucione Demokratike dhe të Drejta të Njeriut, ODIHR, ka thënë të martën se Serbia e ka…
Markus Rashford mbërrin në Barcelonë me ambicie të qarta dhe fjalë të ngrohta për shokun e tij të skuadrës Lamine…