Merkel: Nga 4 maji do të rifillojë mësimi për ciklin e ulët e të mesëm

Kancelarja gjermane Angela Merkel prezantoi këtë të mërkurë planin për të lehtësuar masat izoluese në vend.Më herët gjatë ditës së sotme ajo njoftoi se duke filluar nga 3 maji, do të lehtësohen këto masa dhe gradualisht do të fillojë dhe rihapja e disa bizneseve.Procesi mësimor – Gjatë një videokonference me drejtues të lartë të shtetit u arrit marrëveshja për rihapjen e shkollave të ciklit fillor dhe të mesëm prej datës 4 maj. Ndërkohë që provimet do të shtyhen për vitin tjetër. Ndërsa provimet për universitetet do të zhvillohen normalisht. Të gjithë auditoret duhet të plotësojnë masat e nevojshme të higjenës.

Më shumë detaje për mënyrën e zhvillimit të procesit mësimor, do të publikohen në datën 29 prill.

Bizneset – Ndërsa për dyqanet që kanë një sipërfaqe prej 800 metrash katror e më shumë do të fillojnë të hapen që javën e ardhshme, ndërkohë që bizneset e tjera do të fillojnë pas datës 3 maj. Parukeritë dhe berberhanet mund të hapen vetëm nëse plotësojnë kushtet e higjenës. Punonjësit duhet të jenë të pajisur me maska e doreza.Organizimet publike – Për sa i përket organizimeve me shumë njerëz, ato janë të ndaluara deri më 31 gusht. Për sektet fetare përkohësisht do të qëndrojnë të mbyllura deri në një urdhër të dytë.