Gjenden dhjetra viktima nga koronavirusi të dekompozuar në Britaninë e madhe

Dhjetra viktima të koronavirusit në Mbretërinë e Bashkuar kanë vdekur vetëm në shtëpi gjatë pandemisë dhe nuk janë zbuluar, thanë mjekët.

Ato janë gjetur vetëm pasi një anëtar i familjes, një mik apo fqinjë e ngriti alarmin, dhe në shumë raste trupat e tyre tashmë kanë filluar të dekompozohen deri në kohën kur është bërë zbulimi.

Mjekët besojnë se disa raste të tilla kanë ndodhur në Londër gjatë muajit Mars, Prill dhe Maj.

Shumë prej rasteve kanë të bëjnë me njerëz të moshuar që jetojnë vetëm.

Dr Mike Osborn, një patolog i lartë në Londër dhe kryetari i komitetit të hetimit të vdekjes në Royal College of Patologists, i tha The Guardian: “Njerëzit kanë mbetur të pazbuluar gjatë pandemisë për shtatë deri në 14 ditë.”

“Kam parë mjaft raste të tilla si kjo, ku trupat janë dekompozuar, në shpërthimin e Covid.”

Caroline Abrahams, drejtoresha e bamirësisë së Age UK, tha: “Ne gjithmonë kemi frikë se një numër i të moshuarve do të gjendeshin të vdekur vetëm në shtëpi, qoftë viktima të virusit ose të ndonjë gjëje tjetër, dhe është jashtëzakonisht e trishtueshme të zbulosh se kjo është e vërtetë.”

Nuk dihet saktësisht se sa njerëz kanë vdekur vetëm në shtëpi dhe nuk janë gjetur.

Sidoqoftë, çdo rast i është referuar këshilltarit lokal, dhe pyetjet do të bëhen në muajt në vazhdim.

Ndërsa shumica e rasteve përfshinin njerëz të moshuar që jetojnë vetëm, në raste të tjera personat e gjetur kishin probleme të shëndetit mendor, siç është skizofrenia ose depresioni, ose aftësi të kufizuara.

Disa besohet gjithashtu se kanë përdorur drógë, alkóol ose të dyja.