“Threads”, aplikacioni i ri i pronarit të platformës “Facebook”, “Meta”, ka mbërritur edhe në Bashkimin Evropian të enjten, disa muaj pasi u lëshua në tërë botën në korrik, njoftoi shefi ekzekutiv i “Meta”, Mark Zuckerberg. Platforma e re, e cila është pjesë e “Instagramit”, lejon njerëzit të regjistrohen duke përdorur llogaritë e tyre në Instagram.
Ky aplikacion u themelua me qëllim për t’i bërë rivalitet rrjetit social “X”, dikur i njohur si “Twitter”, pasi ky i fundit i zemëroi shumë përdorues dhe reklamues kur u ble nga Elon Musk vitin e kaluar.
“Sot po e hapim Threadsin në më shumë vende në Evropë. Mirë së vini të gjithë”, shkroi Zuckerberg në “Threads”.
None found
“Threads” u lëshua në 100 vende në fillim të këtij viti, por jo edhe në BE. Zyrtarët e “Meta” cituan qartësinë rreth rregullatorit si arsye e vonesës së mbërritjes së rrjetit social në Evropë, thote REL.
“Meta” ka qenë vazhdimisht nën mikroskopin rregullator të BE-së, sidomos për shkak të shqetësimeve për mënyrën se si i përdor të dhënat e përdoruesve për t’i shërbyer reklamuesve. Më shumë se 100 milionë njerëz i ishin bashkuar Threadsit brenda një jave të lëshimit të tij në treg, pa përfshirë ata brenda BE-së.
“Meta” tha të mërkurën se njerëzit në BE mund të krijojnë tani profile në “Threads” të lidhura me llogaritë e tyre në “Instagram”, por mund edhe ta përdorin aplikacionin pa profil për të kërkuar, shpërndarë dhe madje për të raportuar përmbajtje, pasi kompania pranoi t’u përmbahet rregullave të BE-së.
Ata, megjithatë, nuk mund të postojnë apo të ndërveprojnë me përmbajtjen në “Threads”, pa qenë të kyçur me llogarinë e tyre të “Instagramit”.
Kujtojmë se “Instagrami” i ka dy miliardë përdorues në gjithë botën./albeu.com
Agjencia për Siguri Kombëtare (ASK) dhe Byroja për Siguri Publike (BSP) pranë Ministrisë së Punëve të Brendshme, në bashkëpunim me…
Deputeti i LDK-së, Lutfi Haziri, ka reaguar përmes një postimi në Facebook lidhur me zhvillimet e fundit në Dhomat e…
Gjykata Speciale në Hagë ka dënuar Fadil Fazliun me 12 muaj burgim në rastin që lidhet me pengimin e drejtësisë.…
Kryetari i Nismës Socialdemokrate, Fatmir Limaj, ka reaguar pas aktgjykimit të Gjykatës Speciale në Hagë ndaj ish-presidentit Hashim Thaçi, duke…
Eugen Cakolli nga KDI ka reaguar pas dënimit të ish-presidentit Hashim Thaçi me 17 muaj burgim shtesë për pengim të…
Prokurori i SPAK, Ols Dado, ka deklaruar se sipas informacionit që disponon institucioni, gjendja shëndetësore e kryebashkiakut të Tiranës Erion…