Avtar Singh kaloi mbi 60 vite me një boshllëk të madh në zemër, pa e ditur kurrë se çfarë fati kishte pësuar nëna e tij e vërtetë.
None found
Ndërkohë, në skajin tjetër të globit, Nicci Dhamu nuk kishte pushuar së kërkuari vëllanë e saj të madh, të cilin e ëma e kishte humbur qysh kur ai ishte i vogël. Një histori që dukej pa shpresë mori një rrjedhë krejt të re falë ChatGPT.
I lindur në Indi, Avtari u rrit nga gjyshërit dhe në moshën 9-vjeçare u transferua në Kanada për të jetuar me të atin. Për një kohë të gjatë, ai besoi se gruaja që i doli përpara ishte nëna e tij.
E vërteta iu shfaq vetëm më vonë: ajo ishte njerka e tij, ndërsa nëna biologjike quhej Savinder. Për dekada të tëra, ai u përpoq të gjente gjurmët e saj përmes kërkimeve online, arkivave dhe mediave, por çdo përpjekje rezultoi e kotë.
Kthesa erdhi në maj të këtij viti, teksa ndodhej me pushime në Francë. Avtari vendosi t’i kërkonte ndihmë ChatGPT-së.
“Isha i bindur se kisha shteruar çdo rrugë. Pse të mos i jepja një shans edhe inteligjencës artificiale?”, rrëfen ai për The Guardian.
Me ato pak të dhëna që zotëronte për të ëmën, ChatGPT i rekomandoi një shkrim kushtuar Savinder Kaur Nagi-t, të botuar nga Nicci Dhamu në nderim të nënës së saj, e cila ishte ndarë nga jeta në vitin 2024.
Pa pasur siguri nëse ishte rruga e duhur, Avtari i dërgoi një mesazh autores së artikullit.
Pas pak orësh, një bisedë telefonike do t’ua ndryshonte jetën përgjithmonë të dyve.
“A kishte ajo fëmijë?”, e pyeti Avtari.
“Po. Kishte një djalë”, u përgjigj Nicci.
“Titu, a je ti?”, vijoi ajo pas disa çasteve, duke shqiptuar pseudonimin që e dallonte vetëm rrethi i ngushtë familjar.
“Po, unë jam”, konfirmoi Avtari. “Askush nuk më kishte thirrur me atë emër që prej fëmijërisë.”
Vetëm pak ditë më pas, Avtari mbërriti në Londër, ku u takua për herë të parë me motrën, xhaxhain dhe gjithë familjen e nënës.
Së bashku, ata rindërtuan copëzat e jetës së Savinderit, e cila qe detyruar të ndahej nga i biri pas një martese të dështuar, por nuk e kishte harruar asnjë çast.
Megjithëse ribashkimi u bë realitet në sajë të ChatGPT-së, Avtari ruan një qëndrim të matur ndaj teknologjisë.
“Në këtë fazë, AI është thjesht një motor kërkimi i fuqishëm. Identifikoi lidhjen më të mirë bazuar në informacionin që i dhashë. Nuk ka inteligjencë të mirëfilltë në këtë proces”, theksoi ai.
Për Nicci-n, gjithçka ka një ngjyrim thellësisht emocional.
“Kush do ta imagjinonte që ChatGPT do të të çonte te një artikull, ai artikull te një email dhe ai email te kjo që po jetojmë? Edhe inteligjenca artificiale ka një dimension njerëzor. Ja, shihni se çfarë ndodhi”, përfundoi ajo.
Ilir DajaNë mbi 20 vite karrierë si trajner profesionist, Ilir Daja kurrë nuk është përballur me një trysni të tillë…
Komunikacioni në rrugët shtetërore po zhvillohet pa probleme, në rrugë të lagura, njofton LAMM.Intensiteti i trafikut në rrugët jashtë zonave…
Këtë të shtunë, me anë të një reagimi në llogarinë e tij në “Facebook”, kryebashkiaku Erion Veliaj, ka reaguar për…
Ministrisë së Mbrojtjes së Kosovës i është dhuruar roboti i parë tokësor pa ekuipazh (UGV), i prodhuar në Kosovë nga…
Në Maqedoninë e Veriut kemi rënie të numrit të udhëtarëve që e shfrytëzojnë autobusin. Në tremujorin e tretë të këtij…
Pjesëtarë të Policisë së Kosovës janë vendosur pranë shtëpisë së ish-kryetarit të Kuvendit, Jakup Krasniqi, në lagjen Velania të Prishtinës,…