Nëse nuk keni rënë dakord me kushtet e reja të diskutueshme të shërbimit të WhatsApp deri më 15 maj, aplikacioni do të fillojë të çaktivizojë disa nga shërbimet, njoftoi Facebook së fundmi.
Pas datës 15 maj, aplikacioni, i cili zotërohet nga Facebook, do të funksionojë në një mënyrë të tillë: përdoruesit duhet të klikojnë në mënyrë që të futen në WhatsApp për të parë mesazhet apo thirrjet. Pas disa javësh me këtë funksionalitet të kufizuar, nëse nuk bini dakord me rregullat e Facebook, nuk do të jeni në gjendje të merrni thirrje hyrëse ose njoftime dhe WhatsApp do t’ju ndalojë të dërgoni mesazhe ose të telefononi dikë.
Në këtë pikë, do të duhet të zgjidhni nëse do të pranoni kushtet ose të mos e përdorni fare WhatsApp-in.
Në janar, Facebook u përpoq të përditësonte kushtet e përdorimit të WhatsApp, por u përball me reagime nga përdoruesit, ku një pjesë e tyre shkarkuan aplikacione alternative si Signal apo Telegram. Disa pretendojnë se nëse pranojnë kushtet e Facebook, ky i fundit do të ketë mundësi të përdorë të dhënat e përdoruesve.
WhatsApp u detyrua të shtyjë përditësimin dhe të krijojë një fushatë për të shpjeguar se marrëveshja e re lidhet vetëm me një seri karakteristikash që u lejon përdoruesve të dërgojnë mesazhe biznesi në aplikacion dhe nuk ka asnjë ndryshim në ndarjen e të dhënave me kompaninë mëmë.
Në Gjermani, autoriteti i privatësisë së Hamburgut ka kërkuar një ndalim emergjent tre-mujor për hyrjen në fuqi të kushteve të reja, duke argumentuar se ato janë të paqarta, jo të qëndrueshme dhe tepër të gjëra. Facebook tha se ndalimi ishte “bazuar në një keqkuptim thelbësor”.
Një aksident automobilistik ka ndodhur në Rrugën e Arbrit, në dalje të qytetit të Bulqizës në drejtim të Dibrës. Sipas…
Në dosjen e Agjencisë Kombëtare të Shërbimit të Informacionit (AKSHI) që po hetohet nga Prokuroria e Posaçme Antikorrupsion, janë edhe…
Ditën e sotme, të gjithë zyrtarët qendror dhe lokal kanë zgjedhur kishat e qytetit të tyre për të uruar besimtarët…
Një 33-vjeçar i identifikuar me inicialet R.B. është arrestuar nga policia e kryeqytetit. Mësohet se i riu, gjatë një konflikti…
Goli i shënuar nga Armando Broja në ndeshjen ndaj Bornmuthit, ka qenë i rëndësishëm për ekipin e Bërnlit që të…
Tre punonjës të Bashkisë së Vlorës, janë pezulluar nga detyra që prej datës 19 dhjetor 2025, pasi dyshohet se, në…