Toyota RAV4 merr një mbrojtëse të fuqishme metalike për pjesën e përparme

Një modifikim i ri nga kompania australiane TUFF Australia i ka dhënë Toyota RAV4 një pamje më të ashpër dhe më agresive.

E quajtur Alloy Aerostyle, mbrojtësja shtrihet në një pjesë të konsiderueshme të pjesës së përparme të automjetit dhe është krijuar për ta mbrojtur atë nga përplasjet me kafshë të egra, sidomos me kangurë.

Sipas prodhuesit, struktura është ndërtuar në mënyrë që të funksionojë së bashku me pajisjet e sigurisë së RAV4, duke përfshirë sensorët ADAS dhe airbagët.

Alloy Aerostyle mund të shërbejë edhe si bazë për instalimin e dritave LED, një vinçi dhe antenave radioje UHF, çka e rrit prakticitetin e automjetit gjatë udhëtimeve në terrene të vështira.

TUFF Australia ka bërë të ditur se kjo pajisje ofrohet për versionet GX dhe GXL të gjeneratës së fundit të RAV4.

Përmes këtij përditësimi, SUV-i japonez paraqitet me një stil më robust, të ngjashëm me automjetet që përdoren në zonat e largëta të Australisë.