Porsche ndalon prodhimin e dy varianteve të Taycan

Porsche ka vendosur zyrtarisht t’i japë fund prodhimit të dy modeleve.

Me ardhjen e versionit të përditësuar të Taycan elektrik për vitin 2027, kompania automobilistike do të ndërpresë Taycan Sport Turismo dhe Taycan Cross Turismo.

Në tregun amerikan, shitjet e Taycan shënuan nivelin më të lartë në vitin 2023, kur Porsche dorëzoi 7,570 automjete elektrike, por prej asaj periudhe ato kanë pësuar rënie.

Gjatë vitit 2024, Porsche shiti 4,747 njësi Taycan, ndërsa në vitin 2025 kjo shifër zbriti në 4,142.

Edhe gjatë këtij viti, ritmi i shitjeve të Taycan ka vijuar të bjerë, pasi Porsche ka shitur 607 vetura në tre muajt e parë të vitit, në krahasim me 1,019 të shitura në fillim të vitit 2025.