Një Toyota HiAce e vitit 1994 që është kthyer në një shtëpi mbi rrota

Kjo Toyota HiAce Grand Cabin e vitit 1994 ka bërë gati aq rrugë sa distanca nga Toka deri në Hënë, por kilometrazhi i saj nuk është aspak elementi më i veçantë.

Ajo që e dallon këtë furgon janë disa zgjidhje dhe detaje që vështirë se mund të gjenden te një tjetër model i ngjashëm.

Fillimisht e prodhuar për tregun japonez, kjo Toyota tashmë është e pajisur me titull dhe regjistrim amerikan, ndërsa gjatë viteve është transformuar nga dikush në një mjet ideal për udhëtime të gjata dhe për të shërbyer si një shtëpi lëvizëse.

Ndonëse pjesa e përparme e kabinës është tërheqëse, surpriza më e madhe gjendet në pjesën e pasme.

Aty ndodhet një frigorifer i vogël, një televizor i vendosur në mur, si dhe karrige që palosen dhe mund të përdoren edhe si një shtrat i gjerë.

Pjesa e bagazhit është ajo ku ky furgon ndryshon tërësisht karakter.

Ajo është kthyer në një banjo funksionale kompakte, me dysheme të bardhë rezistente ndaj ujit, një lavaman, një dollap të vogël dhe edhe një dush.

Ky HiAce unik është nxjerrë në Fourbie Exchange në Pomona, Kaliforni, me një çmim fillestar prej 17,995 dollarësh.