Gjenerata e re e BMW Serisë 3 debuton së shpejti me dizajn dhe teknologji të reja

BMW pritet të zbulojë më 30 shtator, në Evropë, ose në mbrëmjen e 29 shtatorit sipas kohës së SHBA-së, gjeneratën e ardhshme të Serisë 3. Modeli i ri do të sjellë ndryshime të rëndësishme si në pamje, ashtu edhe në teknologji.

Sedani do të bazohet në filozofinë e dizajnit “Neue Klasse”, duke hequr dorë nga grilat e mëdha që kanë karakterizuar disa prej modeleve më të fundit të BMW-së.

Në pjesën e përparme parashikohen grila më të ngushta dhe më të zgjatura, ndërsa fenerët do të dallohen nga dy elemente diagonale për dritat e ditës.

Edhe pjesa e pasme do të marrë frymëzim nga BMW i3. Ajo pritet të pajiset me ndriçim LED dhe linja me një pamje më bashkëkohore.

Risi të dukshme do të ketë edhe në kabinë, ku prodhuesi gjerman do të prezantojë sistemin Panoramic iDrive së bashku me ekranin e ri të vendosur në kënd.

Modelet që do të vazhdojnë të përdorin motorë me djegie do të ndërtohen mbi një variant të rifreskuar të platformës CLAR.

Mes versioneve të pritshme spikat M350 xDrive, i cili do të përdorë një motor 3.0-litërsh me gjashtë cilindra, teknologji mild-hybrid 48 volt dhe fuqi prej rreth 437 kuajsh.

BMW raportohet se po përgatit gjithashtu versione të reja të M3 dhe M4, që pritet të prezantohen gjatë viteve të ardhshme. /Telegrafi/