Modelet e reja të BMW-së po projektohen me gjithnjë e më pak butona fizikë, duke u mbështetur kryesisht te komandat zanore, ekranet me prekje dhe kontrollet haptike.
None found
Sipas prodhuesit gjerman, ky transformim pasqyron ndryshimin e sjelljes së blerësve, sidomos të brezave të rinj. Vikram Pawah, drejtor i BMW Group Australia, deklaroi se përdorimi i zërit dhe i ekraneve me prekje po përhapet me shpejtësi, ndërsa drejtuesit e rinj janë më të mësuar me këto zgjidhje teknologjike.
Automjetet e gjeneratës Neue Klasse, mes tyre i3, iX3 dhe X5/iX5, ofrojnë shumë më pak komanda fizike krahasuar me modelet që zëvendësojnë, transmeton Telegrafi.
BMW ka zgjedhur t’i zëvendësojë një pjesë të butonave klasikë me një sistem që kombinon komandat zanore, ekranin qendror dhe butonat haptikë të vendosur në timon. Megjithatë, kjo filozofi e re nuk është pritur pa kritika.
Përparësia kryesore e komandave fizike është se ato mund të përdoren pa larguar vështrimin nga rruga. Veprime si rregullimi i temperaturës, ulja ose ngritja e volumit dhe aktivizimi i funksioneve të ndryshme mund të kryhen përmes kujtesës muskulore, pa kërkuar navigim nëpër ekran.
Edhe pse ekranet me prekje sjellin më shumë funksione, për disa veprime të zakonshme ato mund ta detyrojnë shoferin të fokusohet te ekrani dhe të kalojë në disa menu.
Pavarësisht kundërshtimeve, BMW beson se kjo është rruga e industrisë së automobilave. Kompania nuk pretendon se butonat fizikë janë të padobishëm, por vlerëson se brezat e rinj po i përdorin gjithnjë e më rrallë.
Një nga shenjat e këtij ndryshimi është zhdukja graduale e rrotës së njohur iDrive. Ajo është hequr tashmë nga modelet kompakte dhe pritet të mos jetë më pjesë as e modeleve të tjera, teksa ato kalojnë në gjeneratat e reja.
Megjithatë, kontrollet fizike nuk do të zhduken tërësisht nga automjetet e BMW-së. Komandat e xhamave, rregullatori i volumit dhe disa funksione tradicionale do të vazhdojnë të qëndrojnë.
Në thelb, debati përqendrohet te zgjedhja mes komunikimit me makinën përmes zërit dhe komandimit të drejtpërdrejtë të funksioneve me një prekje.
BMW duket se e ka përcaktuar tashmë drejtimin: automobilat e së ardhmes do të kenë më shumë komandim zanor, më shumë ekrane dhe më pak butona. /Telegrafi/
Marshimi i studentëve vijon në rrugët e Tiranës. Pasi u ndalën te Fakulteti i Inxhinierisë së Ndërtimit për t’u bërë…
Në mbledhjen e sotme, Qeveria miratoi Propozimin e ribalancit të plotësuar të Buxhetit për vitin 2026, në të cilin janë…
Gjatë ditës së djeshme është raportuar për ndryshime të shumta në udhëheqjen e Policisë së Kosovës. Nga Policia e Kosovës,…
Panairi i 29-të i Librit “Tirana 2026”, i parashikuar të mbahej në datat 11–15 nëntor, është shtyrë për në muajin…
Giovanni Carnevali ka dhënë një përgjigje interesante kur është pyetur nëse Juventusi do të transferojë fituesin e Topit të Artë,…
Prindërit e viktimave të zjarrit tragjik në diskotekën Pulse në Koçan reaguan ashpër ndaj kërkesës së avokatit Petre Shilegov që…