Juventus ka zyrtarizuar afrimin e sulmuesit kanadez Jonathan David, duke shtuar një emër të rëndësishëm në repartin ofensiv për sezonin e ri.
Klubi italian konfirmoi të premten se ka arritur marrëveshje me 25-vjeçarin, i cili i bashkohet “Zonjës së Vjetër” si lojtar i lirë, pas përfundimit të kontratës së tij me klubin francez Lille. David ka nënshkruar një kontratë pesëvjeçare që do ta mbajë në Torino deri në verën e vitit 2030.
“Jonathan David është zyrtarisht lojtar i Juventusit. Mirë se erdhe në Torino, Jonathan! Mezi presim të të shohim në fushë,” shkroi klubi bardhezi në rrjetet sociale, duke e shoqëruar njoftimin me një video prezantuese.
David e mbylli aventurën e tij pesëvjeçare me Lille me një bilanc mbresëlënës: 232 paraqitje, 109 gola të shënuar dhe 30 asistime, duke qenë një nga lojtarët më të spikatur të skuadrës gjatë kësaj periudhe.
Sulmuesi kanadez, i lindur në Brooklyn të SHBA-së, më parë ka luajtur edhe për Gent në Belgjikë dhe Ottawa në Kanada, ku edhe filloi karrierën e tij profesionale.
Transferimi i David shihet si pjesë e projektit të ri të Juventusit për të rikthyer klubin në nivelet më të larta të futbollit evropian. Ai pritet të jetë një element kyç në skemat e trajnerit të ri, duke sjellë shpejtësi, saktësi dhe përvojë ndërkombëtare në repartin e sulmit.
Ushtria izraelite ka nisur të hedhë ndihma humanitare nga ajri në Gaza mbrwmjen e sotme. Burime palestineze konfirmuan se pakot…
Edhe në përpjekjen e fundit që erdhi rreth tetë orë pas asaj parapake, deputetët e zgjedhur të legjislaturës së nëntë…
Zjarri vijon aktiv në malin e Shashicës, ndërsa flakët vijojnë të përhapen. Situata po përshkalllëzon dhe zjarri po i afrohet…
Nazmi Liçi është arrestuar ditën e sotme në Kavajë, pasi ishte shpallur në kërkim për një grabitje në qytetin e…
Policia e Lezhës ka arrestuar një 75-vjeçar shqiptar nga Kosova pasi refuzoi t'i nënshtrohej testit të alkoolit. Sipas policisë, i…
Teksa e gjithë Shqipëria po lufton me flakët, Partia Demokratike i ka bërë thirrje qytetarëve të tregojnë kujdes të shtuar.…