Cristian Chivu zyrtarisht është emëruar trajneri i ri i Interit, vetëm pak ditë pas largimit të Simone Inzaghit nga detyra, pas katër sezonesh në krye të skuadrës.
Chivu zëvendëson Inzaghin si trajner i ‘Nerazzurrëve’ me një kontratë fillestare dyvjeçare, e cila do të zgjasë deri në fund të sezonit 2026/2027.
44-vjeçari i është bashkuar sërish Interit pas një periudhe katërmujore në Serie A me Parmën, të cilën e udhëhoqi drejt mbijetesës në javën e fundit të kampionatit 2024/2025.
Ai tashmë i ka dhënë lamtumirën klubit të tij të mëparshëm, i cili gjithashtu ka konfirmuar largimin e tij.
Chivu e kaloi pjesën e fundit të karrierës si futbollist pikërisht në ‘San Siro’ me Interin, ndërsa karrierën si trajner e nisi po në Milano, duke drejtuar ekipet e moshave U14, U17, U18 dhe më pas skuadrën Primavera nga viti 2018 deri në vitin 2024.
Më pas u largua për të marrë drejtimin e Parmës në shkurt të vitit 2025, por tani është kthyer për të marrë postin e trajnerit të parë te ‘Nerazzurrët’.
“FC Internazionale Milano ka kënaqësinë të mirëpresë Cristian Chivu si trajnerin e ri të skuadrës së parë”.
“Trajneri ka nënshkruar kontratë me Interin deri më 30 qershor 2027,” thuhet në njoftimin zyrtar të klubit./Telegrafi/
Pasditen e sotme një banesë në fshatin Trebinjë të Mokrës në Pogradec, është përfshirë nga flakët. Sipas banorëve, zjarri i…
Policia e Kosovës ka bërë me dije se këtë të hënë ka arrestuar 34 persona dhe ka mbyllur 15 lokale…
Aeroporti Ndërkombëtar i Budapestit ka pezulluar përkohësisht operacionet për shkak të dëmeve të pësuara gjatë një stuhie të fortë që…
Aeroporti Ndërkombëtar i Budapestit ka pezulluar përkohësisht operacionet për shkak të dëmeve të pësuara gjatë një stuhie të fortë që…
Prokuroria e pranë Gjykatës së Shkallës së Parë në Shkodër ka reaguar pas deklaratave të Kryeministrit Edi Rama, i cili…
Ish-anëtari i Gjykatës së Lartë, Shkëlzen Selimi, i cili akuzohet për fshehje pasurie është shpalluar i pafajshëm nga GJKKO. Ai…