Enzo Maresca edhe zyrtarisht është emëruar si trajneri më i ri i Chelseat. Tekniku italian ka nënshkruar një kontratë pesë vjeçare në ‘Stamford Bridge’ me opsion edhe për një vit tjetër.
Drejtorët sportiv të Chelseat, Paul Winstanley dhe Laurence Stewart, e kanë identifikuar ish-trajnerin e Leicester Cityt si kandidatin e tyre kryesor për të zëvendësuar të larguarin Mauricio Pochettino.
Dyshja arritën që të sigurojnë shërbimet e 44-vjeçarit pas një takimi që patën në Marbella të Spanjës, aty ku gjetën një marrëveshje në lidhje me pagën e tij dhe stafit të tij, krahas kompensimit prej 10 milionë eurosh që kanë paguar për të.
Maresca, i cili ka punuar nën urdhrat e Pep Guardiolës tek Man City, është i etur që të sjellë stafin e tij me vete tek Chelsea pas largimit të Pochettinos.
Kësisoji, ish-portieri i Chelseat, Willy Caballero, pritet që të jetë pjesë e stafit të trajnerëve të italianit.
Përveç Caballeros, Enzo Marescas do t’i bashkohen edhe emra si Danny Walker, Michele De Bernardin, Marcos Alvarez dhe Javier Molina Caballero.
Pronarët e klubit, Todd Boehly dhe Clearlake Capital besojnë se Maresca është kandidati më i përshtatshëm për të drejtuar Chelsean sezonin e ardhshëm. /Telegrafi/
Ilir Daja - Adrian BardhiNdonëse ka pasur “dalje me peshë” nga Dinamo në këtë merkato vere, klubi ka ditur të…
Pas dështimit për të afruar Rodrin në “Santiago Bernabeu”, Real Madridi ka kthyer vëmendjen te disa alternativa të tjera për…
Vazhdimi i seancës për konstituimin e Kuvendit të Kosovës do të mbahet të shtunën paradite, pavarësisht se afati 30-ditor i…
Anëtari i Lëvizjes Vetëvendosje në KQZ, Alban Krasniqi, ka adresuar kritika dhe akuza ndaj opozitës përmes dy postimeve të ndara…
Deputeti i Aleancës, Besnik Tahiri në një konferencë për media, tha se dyert e sallës plenare të Kuvendit të Kosovës…
Dashi Jeta ne çift do influencohet pozitivisht nga te gjithë planetët gjate kësaj dite. Do merreni vesh për çdo gjë…