Zbulohen prapaskenat: Flick nuk i beson më De Jongut dhe kërkoi transferimin e Rodrit

Besimi i Hansi Flickut te Frenkie de Jong është lëkundur për shkak të vendimeve që mesfushori holandez mori në lidhje me Kupën e Botës, sipas raportimit të “SPORT”.

De Jong zgjodhi t’i jepte përparësi paraqitjes me Holandën në turne, në vend të sezonit me Barcelonën. Kjo bëri që trajneri gjerman të kishte më pak alternativa në dispozicion gjatë një faze vendimtare të sezonit të kaluar.

Edhe pse kishte ndier shqetësime fizike që në etapat e para të Kupës së Botës, holandezi vazhdoi të aktivizohej. Ai e shtyu veten përtej limiteve dhe tani ekziston mundësia që t’i nënshtrohet një ndërhyrjeje kirurgjikale.

Sipas “SPORT”, mënyra se si De Jong e menaxhoi këtë situatë e ka pakënaqur Flickun dhe mund të sjellë pasoja edhe për rolin e tij në aspektin teknik.

Teksa po ndërton skuadrën për sezonin e ardhshëm, Flick pritet të marrë vendime të rëndësishme për repartin e mesfushës. Për këtë arsye, pozicioni dhe e ardhmja e De Jongut te Barcelona tashmë janë vënë në pikëpyetje, ndërsa roli i tij mund të ndryshojë në sezonin e ri.

Në këto rrethana, Barcelona e përcaktoi si përparësi transferimin e Rodrit. Ai është në pritje të dritës së gjelbër nga Manchester City për të udhëtuar drejt “Camp Nou”, ku do t’u nënshtrohet testeve mjekësore.