Ylli i Bayern Munich me probleme në zemër

Mbrojtësi i majtë i Bayern Munich, Alphonso Davies, është lënë jashtë fushës me prova të inflamacionit të muskujve të zemrës pasi u infektua me koronavirus, tha të premten trajneri Julian Nagelsmann.

Lojtari kanadez do të jetë jashtë fushës për të paktën “javët e ardhshme” pasi inflamacioni, i njohur si miokarditi, u zbulua në një ekzaminim pasues pas kthimit të tij në stërvitje këtë javë, tha Nagelsmann. Trajneri e përshkroi inflamacionin si “të butë” dhe “jo aq dramatik”, duke përmendur rezultatet e një ekzaminimi me ultratinguj.

“Pavarësisht kësaj, ajo duhet të shërohet dhe kjo do të marrë patjetër një kohë të caktuar,” tha Nagelsmann.

Sipas ekspertëve, miokarditi është një gjendje e lehtë, e përkohshme në shumicën dërrmuese të rasteve.

Bayern tha javën e kaluar se Davies kishte rezultuar pozitiv dhe ai ishte kthyer në stërvitje të mërkurën. Nagelsmann tha se Davies tani do të ndalojë stërvitjen deri në njoftimin e mëtejshëm për t’i dhënë kohë trupit të tij për t’u rikuperuar./ h.ll/albeu.com