Lamine Yamal konsiderohet një nga favoritët kryesorë për Topin e Artë të këtij viti dhe, bazuar në disa të dhëna historike, duket se ka avantazh ndaj Harry Kane.
Fituesi i çmimit prestigjioz pritet të shpallet në ceremoninë që do të zhvillohet në Londër më 26 tetor. Nëse triumfon, ylli i Barcelonës do të bëhej futbollisti më i ri në histori që fiton Topin e Artë. Yamal vjen pas një sezoni të jashtëzakonshëm, gjatë të cilit ndihmoi klubin katalunas të siguronte dy trofe vendorë, ndërsa me Spanjën fitoi Kupën e Botës, duke i dhënë fund pritjes 16-vjeçare të përfaqësueses për këtë sukses.
None found
Harry Kane, nga ana tjetër, synon të jetë anglezi i parë pas Michael Owen në vitin 2001 që e merr këtë çmim. Sulmuesi i Bayern Munichut ka shënuar 73 gola në 65 ndeshje, nga gushti i vitit 2025 deri në korrik të vitit 2026, si dhe ka festuar fitimin e Bundesligës.
Megjithatë, të dhënat që lidhen me historinë e Topit të Artë i japin Yamalit një pozicion më të favorshëm. Që nga viti 2000, 64 për qind e fituesve kanë luajtur në La Liga, 76 për qind kanë qenë sulmues dhe 80 për qind kanë fituar ligën vendore, Ligën e Kampionëve ose Kupën e Botës në sezonin përkatës.
Yamal është i vetmi nga 30 futbollistët e nominuar këtë vit që i përmbush të tria këto kritere. Kane, i cili është sulmues dhe ka fituar Bundesligën, plotëson dy prej tyre.
Edhe pse Topi i Artë synon të vlerësojë mbi të gjitha paraqitjet individuale, historia e këtij çmimi tregon se sukseset e mëdha të skuadrave kanë ndikuar shpesh në zgjedhjen e fituesit. Ousmane Dembele e fitoi edicionin e vitit 2025, pasi udhëhoqi Paris Saint-Germainin drejt tripletës historike dhe mbylli sezonin 2024/25 me 35 gola e 16 asistime.
Një vit më herët, Rodri u shpërblye pas një sezoni të suksesshëm me Manchester Cityn dhe për shkak të kontributit të tij në triumfin e Spanjës në Euro 2024. Po ashtu, Lionel Messi fitoi për herë të tetë Topin e Artë në vitin 2023, pas suksesit me Argjentinën në Kupën e Botës 2022.
Këta precedentë e mbështesin më tej kandidaturën e Yamalit, i cili ka fituar trofe me Barcelonën dhe Spanjën. Në krahun tjetër, Anglia e Harry Kane u eliminua nga Argjentina në gjysmëfinale të Kupës së Botës.
Presidentja e Republikës së Kosovës, Justina Shiroka Pula, është pritur në takim nga Presidenti i Hungarisë, Andras Baka, me të…
Shqetësimi është rritur rreth trajnerit të Bayern Munichut, Vincent Kompany, pasi gazeta gjermane Bild ka raporutar se trajneri belg është…
Vladimir Putin po ndryshon strategji me Ukrainën: Me afrimin e dimrit, presidenti rus synon të shënjestrojë rrjetin ujësjellës të kryeqytetit…
Zonja e Parë e Shteteve të Bashkuara të Amerikës, Melania Trump, ka arritur që të sigurojë një armëpushim mes Rusisë…
Detaje të reja janë zbardhur lidhur me kërkesën e kryeministrit Edi Rama për dorëheqjen e drejtuesve të agjencive shtetërore në…
Pas trazirave të fundjavës së kaluar, lëvizja rinore “17 Tetori” njofton një strategji të re për protestat e së shtunës.…