Xavi ka dy deri në tri ndeshje për të shpëtuar vendin e punës te Barcelona

Trajneri i Barcelonës, Xavi Hernandez, është nën presion të madh pas një disfate të rëndë nga Real Madridi të dielën mbrëma. Jo vetëm që Barcelona u mund 4-1 nga Los Blancos, por paraqitja e tyre e dobët la të kuptohet se humbja mund të kishte qenë tepër më e lartë.

Ndërsa figura të klubit si drejtori sportiv Deco dhe presidenti i Barcelonës Joan Laporta vazhdojnë ta mbështesin atë, siç kanë bërë për rreth tre muaj, tani raportet nga prapaskenat tani po spekulojnë për fundin e regjimit të tij.

Pa dyshim që ka një oreks për të mbajtur Xavin deri në fund të sezonit, por nëse hierarkia mendon se ekziston rrezik real i një kolapsi këtë sezon, kjo mund të lajmërojë fundin e tij.

Shefi i Sportit Joan Vehils ka thënë për Cadena SER të dielën mbrëma se nëse Barcelona humbet nga Unionistas de Salamanca të enjten mbrëma, ose eliminohet nga Liga e Kampionëve nga Napoli, atëherë situata do të bëhet ‘e paqëndrueshme’.

Nëse kjo ndodh, plani është që të vendoset Rafael Marquez nga Barca Atletic si trajner i përkohshëm.

Ndërkohë të nesërmen, Adria Albets raportoi për të njëjtën media se ndeshjet kundër Unionistas këtë të enjte mbrëma në Copa del Rey dhe përballja e tyre në La Liga me Real Betis të dielën mund të përcaktojnë të ardhmen e tij. Nëse gjërat shkojnë keq, atëherë mund të shihet një ndryshim drejtimi përpara fundit të sezonit.

Ndërsa Xavi arriti të rrënjos një mentalitet fitues sezonin e kaluar, këtë sezon Barcelona e ka gjetur veten të mbyllur në inerci sa herë që iu paraqiten pika kthese. Mbetet për t’u parë nëse lojtarët mund ta nxjerrin atë nga telashet. /Telegrafi/