Vllaznia dhe Skënderbeu e nisën sezonin e ri të “Abissnet Superiore” me një barazim 2-2. Takimi i luajtur mbrëmjen e djeshme në stadiumin “Loro Boriçi” pa shkodranët të humbnin avantazhin prej dy golash. Pas përfundimit të sfidës, trajneri Edi Martini komentoi para mediave paraqitjen e skuadrës së tij.
None found
Martini pranoi se Vllaznia e pati konsideruar të mbyllur ndeshjen pas avantazhit 2-0, ndërsa gabimet në pozicionim dhe mungesa e qetësisë ndikuan në rezultat. Ai theksoi se pjesa e parë ishte problematike, pasi ekipi doli shpesh në kundërsulm dhe u mbështet te lojtarë shumë të rinj, të cilët ende duhet të punojnë për të zbatuar mënyrën e lojës së skuadrës.
Sipas tij, pas zëvendësimeve në fraksionin e dytë Vllaznia shënoi dy gola dhe pati mundësi të realizonte edhe një të tretë, por nuk dha goditjen përfundimtare. Goli i parë i pësuar erdhi “nga hiçi”, ndërsa më pas gabimet sollën edhe barazimin. Në fund, shkodranët rrezikuan të pësonin edhe golin e tretë.
“Menduam se e kishim fituar ndeshjen pa përfunduar ajo. Bëmë disa gabime në rreshtim që nuk duhej të ndodhnin dhe na mungoi qetësia. Në pjesën e dytë bëmë ndryshime, shënuam dy herë dhe mund të kishim realizuar edhe golin e tretë, por duhej të ishim më vendimtarë”, u shpreh Martini.
Trajneri shkodran tha se barazimi pas një epërsie 2-0 është i pafalshëm, edhe pse sipas tij fjala “skandaloze” do të ishte e tepruar. Ai nënvizoi se skuadra e mori më lehtë situatën pas avantazhit, ndërsa shumë prej futbollistëve të rinj nuk janë përshtatur ende me filozofinë e lojës. Martini vlerësoi portierin, duke sqaruar se ai nuk kishte përgjegjësi për gabimin, dhe shtoi se sfidat e ardhshme do të jenë edhe më të vështira. Tifozeria e Vllaznisë, sipas tij, është mësuar me futboll të bukur, por ekipi duhet të përmirësohet nga java në javë.
“Kemi disa manovra ku ende nuk tregojmë qartësinë e nevojshme. Duhet të përmirësohemi në çdo stërvitje, të analizojmë këtë ndeshje dhe të kuptojmë se ku qëndroi problemi. Mungesa e Gurishtës ndihet, veçanërisht në ndeshje të tilla, sepse na mungoi egoja dhe grinta që ai u transmeton lojtarëve. Ndeshjet do të bëhen gjithnjë e më të vështira”, deklaroi Martini.
Eldi Dizdari i njohur edhe si Denis Matoshi është ekstraduar nga Dubai drejt Belgjikës. Sipas mediave belge, ai është në…
Në kuadër të seancës së 123-të plenare, sot u miratua nevoja për të miratuar dhjetë ligje me procedurë të shkurtuar,…
Ndërsa po vijonin marshimin në rrugët e Tiranës, ka pasur një moment tensioni në protestën e 124. Situata u tensionua…
Gazetari Elton Tozaj ka bërë një deklaratë të fortë këtë të enjte, duke u shprehur se ka pasur kontakt përmes…
Nisma që Salla Universale në Shkup të mbajë emrin e këngëtarit Vlado Janevski nuk mori mbështetjen e nevojshme në Këshillin…
Ushtruesja e detyrës së presidentes, Albulena Haxhiu, tha se zgjedhjet e jashtëzakonshme, janë të papranueshme pas situatës, në të cilën…