Virgil van Dijk është tashmë një nga mbrojtësit më të mirë në botë, ndërsa në intervistën e fundit ka thënë se LeBron James po e frymëzon të jetë edhe më i mirë.
Liverpool postoi një video të Van Dijk duke parë një mesazh nga James ku ‘Mbreti James’ parashikon se do të bëjë “gjëra të mahnitshme” për Reds dhe i kërkoi atij “të përpiqet për madhështi”.
Van Dijk është filmuar duke thënë “Mbreti ka folur” dhe është i vendosur të përdorë fjalët e tij ndërsa Liverpooli po lufton për katër trofe dhe fillimisht do të përballet me rivalët e tyre Manchester United në FA Cup të dielën.
“Ajo frazë që ai përdor është perfekte dhe mund të përdoret për shumë gjëra. Për mua personalisht, patjetër që përpiqem dhe e ndjek këtë sepse dua të arrij maksimumin në jetë dhe të marr maksimumin nga vetja, ekipi dhe pozicioni në të cilin ndodhemi”.
“Ne jemi në një vend të mirë për ta bërë këtë, këtë sezon – përsëri. Çdo sezon është gjithmonë një sfidë, por këtë sezon ne jemi në një situatë të veçantë”, ka thënë holandezi.
Van Dijk thotë se po mëson nga James – dhe atletët e tjerë më të mirë në botë – se si t’i trajtojë negativet dhe pozitivet.
“Unë i shikoj të gjithë atletët më të mirë sepse ndjej se të gjithë kanë një rol të madh, qoftë si model apo për ekipin dhe komunitetin e tyre, dhe ka kaq shumë gjëra që mund të mësoni”.
“Janë LeBron, Roger Federer, Tom Brady – mund të përmend kaq shumë. Më pëlqen t’i dëgjoj këta djem dhe të mësoj se si u përballën me të qenit në krye dhe duke u përballur me momente të vështira, por edhe momente të mira”, deklaroi Van Dijk. /Telegrafi/
Pas sekuestrimit të 26.5 milionë eurove pasuri në kuadër të operacionit “Fortesa”, kanë dalë detaje të reja për transaksionet e…
Ditën e djeshme, aktori dhe regjisori i njohur shqiptar, Naun Shundi, u nda nga jeta në moshën 66-vjeçare, pas një…
Mbrëmjen e djeshme rreth orës 20:00, një vrasje me armë zjarri tronditi fshatin Abat në zonën Shalës në Shkodër, ku…
Ditën e mërkurë, në Senatin e Meksikës, tensionet u përshkallëzuan kur dy senatorë u përfshinë në një përplasje fizike, gjatë…
Mëngjesin e sotëm, një ngjarje e rëndë është regjistruarvnë fshatin Dragostunjë të Librazhdit, ku është gjetur nga kalimtarët një trup…
Shqipëria është një kakofoni që nuk gjen qetësi ditën e as natën. Përditshmëria përkufizohet nga bori makinash, zhurmë marmitash, frenime…