Categories: sport

Vinicius shkëlqen me tri gola ndaj Singaporit dhe sqaron reagimin pas zëvendësimit

Brazil triumfoi 7-0 ndaj Singaporit në miqësoren e së martës, ndërsa Vinicius Junior ishte figura qendrore e takimit. Sulmuesi i Real Madridit shënoi tri golat e parë të ekipit dhe regjistroi het-trikun e tij të parë me kombëtaren A të Brazilit.

Pas ndeshjes, futbollisti brazilian vlerësoi mënyrën se si skuadra e përballoi sfidën dhe ruajti seriozitetin, edhe pse përballë kishte një kundërshtar dukshëm më të dobët.

Të lidhura

None found

Vinicius u ndal edhe te rekordi i tij personal, duke shprehur dëshirën që kjo të jetë vetëm fillimi i një serie het-trikësh me fanellën e Brazilit.

“Kjo ishte hera ime e parë me tri gola dhe shpresoj të ketë edhe shumë të tjera. E filluam takimin të përqendruar, pasi e dinim se niveli i kundërshtarit ishte dukshëm më i ulët”.

“Ndoshta mund të kisha realizuar edhe më shumë, por rëndësi ka që fituam dhe jam i kënaqur. Tani do të rikthehemi te klubet, ndërsa në mars duhet të jemi në 100 për qind të formës”, deklaroi Vinicius.

Vëmendje të veçantë mori edhe momenti kur ai u largua nga fusha në nisje të pjesës së dytë, pasi u zëvendësua nga Allan.

Pamjet televizive treguan pakënaqësinë e sulmuesit gjatë daljes së tij, duke ngritur pikëpyetje mbi arsyen e këtij reagimi.

Vinicius sqaroi se dëshira për të qëndruar në fushë dhe për të shënuar të tjerë gola ndikoi në sjelljen e tij, por pranoi se vendimi i stafit teknik ishte i kuptueshëm.

“Kishim rënë dakord që të luaja edhe 15 ose 20 minuta, por unë gjithmonë dua të shënoj më shumë. E kuptova që ishte e rëndësishme të aktivizoheshin edhe lojtarët e tjerë dhe se Allan kishte nevojë për minuta. Kjo periudhë është për përgatitje dhe prova, ndaj trajneri bëri atë që duhej, duke u dhënë mundësi të gjithëve”.

“Tani na mbetet të plotësojmë skuadrën, sepse ndeshjet kualifikuese po afrohen”, përfundoi ylli i Brazilit.

të fundit

Pandeli Majko reagon 4 ditë pas Asamblesë: Fola për kontaktet e papërshtatshme dhe diskretituese të socialistëve me krimin e organizuar

Në një postim në rrjete sociale, ish-deputeti i Partisë Socialiste, Pandeli Majko, ka reaguar pas raportimeve lidhur me fjalën e…

13 seconds ago

Enis Maqedonci humb jetën në moshën 24-vjeçare pas një aksidenti në Gjermani

Futbollisti kosovar, Enis Maqedonci ka humbur jetën si pasojë e një aksidenti trafiku në Gjermani, ndërsa Federata e Futbollit e…

2 minutes ago

Teuta Arifi: Nuk kam vepruar me qëllim të gabuar, synimi im ishte t’u shërbeja qytetarëve

Ish-kryetarja e Komunës së Tetovës, Tetuta Arifi sot pas mbarimit të seancës gjyqësore, ku ajo është kallëzuar për keqpërdorim të…

4 minutes ago

Vdekja është pranë”: si kërcënimet e rreme me bombë alarmuan shkollat dhe aeroportet në Europë

Një valë masive kërcënimesh të rreme me bombë ka përfshirë Europën gjatë muajit të fundit, duke shkaktuar evakuime në mijëra…

8 minutes ago

Gjykata miraton kërkesën e “Trepçës” dhe pezullon ndërtimin e amfiteatrit në Mitrovicë të Veriut

Gjykata Themelore në Mitrovicë ka aprovuar kërkesën e ndërmarrjes “Trepça” për caktimin e masës së sigurimit, duke ndaluar Komunën e…

10 minutes ago

Rama për modelin e ri të prokurimeve: Diella ndihmon bizneset, ulje kostosh dhe më pak burokraci

Kryeministri Edi Rama është i pranishëm në prezantimin e modelit të ri Prokurimeve të Përqendruara, tashmë një model i fokusuar…

31 minutes ago