Vedat Muriqi luan 62 minuta në barazimin e Fenerbahces kundër Slavia Pragës

Fenerbahce nuk arriti ta mbajë avantazhin në shtëpi ndaj Slavia Pragës, duke u ndalur në barazim në xhiron e tretë të fazës së Ligës së Kampionëve.

Skuadra turke ishte në epërsi 2-1 deri në minutat e fundit të takimit, por çekët shënuan në fund dhe siguruan një pikë.

Vetëm katër minuta pas nisjes së ndeshjes, Oguz Aydin zhbllokoi rezultatin për Fenerbahcen me një supergol (4’).

Epërsia e vendasve u dyfishua në minutën e 11-të, kur Mason Greenwood realizoi pas asistimit të Semedos.

Slavia Praga reagoi përmes kapitenit Lukas Provod, i cili përfitoi nga një gabim i Guendozit. Ky i fundit ia dhuroi topin kundërshtarit në mënyrë amatore.

Pas golit, të dyja skuadrat patën mundësi për të shënuar, por rastet e krijuara nuk u konkretizuan.

Vedat Muriqi nuk pati shumë hapësira në këtë përballje, pasi mbrojtësit çekë arritën ta neutralizonin. Trajneri e largoi nga loja pas 63 minutash.

Kur ndeshja po i afrohej fundit dhe barazimi dukej i largët, Pavel Kacor realizoi një supergol pas asistimit të Ayaosit në minutën e 90-të.

Pas këtij barazimi, Fenerbahce grumbullon dy pikë në Ligën e Kampionëve, ndërsa Slavia Praga ka një pikë.