Valverde rrëfen befasinë nga Mourinho: Nuk e mendoja se do të ishte kështu

Pas triumfit 2-1 të Real Madridit ndaj Ferencvarosit në Budapest, Federico Valverde foli për periudhën e parë të punës me Jose Mourinhon. Kapiteni i madrilenëve pranoi se trajneri portugez e ka befasuar me mënyrën e tij të të qenit.

“Jam i kënaqur që ai është pjesë e skuadrës dhe po mundohem të mësoj sa më shumë prej tij. Siç e kam thënë edhe më parë në një intervistë, synoj të përfitoj maksimalisht nga çdo ditë stërvitjeje me të dhe me stafin e tij. Atmosfera është shumë e mirë dhe të gjithë po punojmë me përkushtim”, tha Valverde.

Mesfushori uruguaian u ndal edhe te detyra e re si kapiteni i parë i Real Madridit, një rol që e mori pasi kishte shërbyer më herët si kapiten i dytë ose i tretë.

“Pa dyshim, kjo sjell përgjegjësi. Është një rol që më pëlqen shumë dhe që më bën të ndihem jashtëzakonisht i nderuar e krenar”.

“Kam fituar shumë përvojë dhe vazhdoj të mësoj çdo ditë. Përpiqem të jem shembulli më i mirë i mundshëm, si në fushë, ashtu edhe jashtë dhomës së zhveshjes, në mënyrë që bashkëlojtarët e mi të ndihen mirë”, deklaroi ai.

Kur u pyet në mënyrë specifike për raportin me Mourinhon, Valverde theksoi sërish se personaliteti i teknikut portugez nuk përputhej me atë që kishte imagjinuar para se ta njihte.